سالڤه‌گه‌را كاره‌ساتا گوندێ كوچۆ نه‌هاته ساخكرن
ئه‌ڤرۆ نیوز، له‌زگین جوقى:
وه‌كو ئه‌ڤرۆ 15/8 به‌رێ شه‌ش سالان كچ و ژن و زارۆك و زه‌لامیێن گوندێ كوچۆ ژلایێ تیرۆرستێن داعش ڤه ناڤ قوتابخانه‌كێ دا هاتنه كۆمكرن تووشى جینوسایدى بوون.
ئێدریس بشار كوچۆ، ئێك ژ رزگاربووین جینوسایدا گوندێ كوچۆ بۆ ئه‌ڤرۆ نیوز دیاركر كو ل رۆژا 15/8/2014ێ تیرۆرستێن داعش خه‌لكێ گوندێ كوچۆ تووشى جینوسایدى كرن ئه‌ڤساله ژ به‌ر ڤایرۆسێ كۆرۆنایێ چو چالاكیێن فه‌رمێ نه‌هاتنه ئه‌نجامدان ب تنێ خه‌لكێ خێر چێكرینه كو هژمارا ئاكنجیێن گوندێ كوچۆ 1700 كه‌س بوون تیرۆرستێن داعش زه‌لام دناڤ 11 گۆرێن ب كۆمدا گولله‌باران كرن و كچ و ژن و زارۆك ره‌ڤاندن ب تنێ 19 زه‌لام ژناڤ گۆرێن بكۆم رزگار بووینه و 517 كه‌س هاتینه شه‌هیدكرن .
ناڤهاتى ئه‌و ژى ئاشكه‌را كر كو هه‌تا نوكه 10 گۆرێن ب كۆم یێن هاتینه ڤه‌كرن روفاتێن ناڤدا بۆ نۆژداریا داد ل به‌غدا هاتینه ره‌وانه‌كرن و هه‌تا نوكه ژى روفات نه‌داینه مه ئه‌م ڤه‌شێرین، به‌رى نوكه مه گۆره‌ستانه‌ك به‌رهه‌ڤكریه بۆ قوربانیێن جینوسایدا گوندێ كوچۆ.
