ساخله‌میا جیهانی: ڤاكسین بتنێ نه‌شێت دوماهیێ ب كورونایی بینیت
ئه‌ڤرۆ نیوز:
رێكخراوا ساخله‌میا جیهانی راگه‌هاند ڤاكسینا كورونایێ بتنێ نه‌شێت دوماهیێ ب ڤایرۆسێ كوڤید 19 بینیت، پێدڤیه سه‌ركردێن وه‌لاتان گوهورینێن هه‌رتمی دژیانا رۆژانه‌یا وه‌لاتیان دا ئه‌نجام بده‌ن بۆ كۆمكرنا ئاستێ مه‌ترسیێن ڤایرۆسێ كورونایێ.
تیرۆس ئه‌دهانوم گیبریسیوس رێڤه‌به‌رێ گشتی یێ رێكخراوا ساخله‌میا جیهانی راگه‌هاند: ب درێژاهیا دیرۆكێ به‌لاڤ بوونا ڤایرۆس و نه‌خوشیێن ڤه‌گۆهاستی بوویه ئه‌گه‌رێ دروستكرنا گوهورینان د ئابوورێ وه‌لاتان و په‌یوه‌ندیێن جڤاكی دا.
ناڤبری ئه‌و چه‌نده ژی دیاركر لگۆری ئه‌و ده‌رئه‌نجامێن كۆ زانایێن جیهانی پێگه‌هشتین، ڤاكسین رۆله‌كێ مه‌زن دبیت د به‌رهنگاربوونا كورونایێ دا، به‌لێ بتنێ نه‌شێت ڤایرۆسێ كورونایێ كونترۆل بكه‌ت.
گیبریسیوس ئه‌و چه‌نده ژی راگه‌هاند ئه‌و رێكارێن خوپارێزێ كۆ هه‌ر تاكه‌كی جڤاكی ژ به‌رهنگاربوونا ڤایرۆسێ كورونایێ بكار دئینیت، دبیت جوداهیه‌كێ ل ئاستێ به‌لاڤ بوونا ڤایرۆسی درۆست بكه‌ت، دڤێت وه‌لاتی ژ وێ چه‌ندێ بگه‌هن، كۆ برپرسیاری و راوه‌ستاندنا به‌لاڤ بوونا ڤایرۆسی د ستویێ وان دایه.
لگۆری ئامارێن حیهانی، تانوكه زێده‌تری 23 ملیۆن توشبوویێن ڤایرۆسێ گورونایی ل سه‌ر ئاستێ جیهانێ هاتینه ده‌ست نیشانكر.
