رۆنكرنا سه‌ندیكایێ ل دۆر گرتنا سه‌باح ئه‌ترووشى
ئه‌ڤرۆ نیوز:
لقێ دهۆك یێ سه‌ندیكا رۆژنامه‌نڤیسێن كوردستانێ، ل دۆر گرتنا رۆژنامه‌ڤان سه‌باح ئه‌ترووشى ڤێ رۆنكرنێ به‌لاڤ دكه‌ت:
ئێك: د چاڤپێكه‌فتنه‌كێ دا د گه‌ل كه‌نالێ ئاسمانیێ بادینان سات، رۆژنامه‌ڤان (سه‌باح ئه‌ترووشى) كو ب زمانه‌كێ نه‌شرین ره‌خنێ ل رۆژنامه‌ڤانان و لقێ دهۆك یێ سه‌ندیكا رۆژنامه‌ڤانێن كوردستانێ دگریت، كو دیار دبیت (سه‌باح ئه‌ترووشى) ئاگه‌ه ژ قانوونا سه‌ندیكا رۆژنامه‌ڤانان نینه و كارێ وێ یێ دووره ژ پیشه‌یا رۆژنامه‌ڤانیێ. ئه‌م وه‌ك لقێ دهۆك یێ سه‌ندیكایێ دبێژین: مافێ مه یێ قانوونى دێ یێ پاراستى بیت ژ بۆ پشته‌ڤانیێ ژ كارێ خۆ.
دو: ئه‌و بڕگا قانوونى یا كو رۆژنامه‌ڤان (سه‌باح ئه‌ترووشى) ل سه‌ر هاتیه ره‌وانه‌كرن بۆ دادگه‌هێ، ب كارێ رۆژنامه‌ڤانیڤه یێ گرێداى نینه و ب بڕیارا دادوه‌رى هاتیه گرتن. پشتى دووڤچوونا بابه‌تى ژ لایێ پارێزه‌رێ لقێ دهۆك یێ سه‌ندیكایێ دیاربوویه، كو رۆژنامه‌ڤانێ ناڤبرى د چاڤپێكه‌فتنه‌كا خۆ دا د گه‌ل وى كه‌نالى (استغلال)ا ئازادیا رۆژنامه‌ڤانى كریه و به‌حسى پێشمه‌رگێ كوردستانێ كریه، دوور ژ ره‌وشتێ رۆژنامه‌ڤانیێ، كو دڤێت پاراستنا ئاسایشا وه‌لاتى ئارمانجا سه‌ره‌كیا مه هه‌موویان بیت، له‌وما ئه‌ڤ بابه‌ته گرێداى دادگه‌هێ و قانوونێ یه و چ گرێدان د گه‌ل كارێ رۆژنامه‌ڤانیێ نینه.
لقێ دهۆك
سه‌ندیكا رۆژنامه‌ڤانێن كوردستانێ
9/2/2015
