ده‌ست ب سه‌ر 340 ته‌نێن ترۆمبێلێن ژ ناڤچووى دا هاته‌گرتن
ئه‌ڤرۆ نیوز:
ئاساییشا نه‌ته‌وه‌یى یا ئیراقێ راگه‌هاند، ده‌سىت ب سه‌ر 340 ته‌نێن ترۆمبێلێن ژناڤچووى دا هاته‌گرتن كو ب نیازبوون ب قاچاخ ره‌وانه‌ى هه‌رێمێ بهێنه‌كرن.
ئاساییشا نه‌ته‌وه‌یى یا ئیراقێ د راگه‌هاندنه‌كێ دا به‌لاڤكر، د بزاڤه‌كا مه‌یدانى دا پشتى ب ده‌ستڤه‌ئینانا فه‌رمانا دادوه‌رى، ده‌ست ب سه‌ر 24 ترومبێلێن بارهه‌لگر دا ل رۆژئاڤایێ پارێزگه‌ها نه‌ینه‌وا گرتییه كو 24 ترۆمبێلێن ژ ناڤچووى هه‌لگرتبوون، و بنیازبوون ب قاچاخى به‌ر ب هه‌رێما كوردستانێ ڤه ب ڤه‌گوهێزن.
ئاماژه ب وێ یه‌كێ ژى دا، شوفێرێن سه‌رجه‌م ترۆمبێلێن بارهه‌لگرهاتنه ده‌سته‌سه‌ركرن و دانپێدان و دانپێدان كرییه كارێ قاچاخییێ دكه‌ن و نیازا وان ئه‌وبوو وان ترۆمبێلان ب فرۆشنه بازرگانه‌كێ هه‌رێما كوردستانێ.
ئاساییشا نه‌ته‌وه‌یى یا ئیراقێ ئه‌و یه‌ك ژى دیاركر، سه‌رجه‌م تۆمه‌تبار و ترۆمبێلێن وان بۆ لایه‌نێن په‌یوه‌ندیدار هاتینه ره‌وانه‌كرن ژ پێخه‌مه‌ت گرتنه‌به‌را رێكارێن یاساى به‌رامبه‌ر وان.
