د روودانەکا هاتنوچوونێ دا دو کەسان وەغەر کر
ئەڤرۆ نیوز ، زنار تۆڤی:
پەیڤدارێ رێڤەبەریا گشتیا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا هاتنوچوونێ دا شەش کەس بوونە قوربانی.
موقەدمێ مافپەروەر ئازاد تاها، زێدەتر گۆت: ئەڤرۆ پێنجشەمبی 26/11/2020 ل دەمژمێر (3:30) ئێڤاری ل سەر جادا سەرەکی یا دناڤبەرا دهۆک هەولێر، ل سنوری ناحیا رۆڤیا یا سەر ب قەزا بەردەرەش ڤە و ل نێزیک گوندی پلاسان، دو ترۆمبێل تووشی روودانا وەرگریانێ بوون، پاشی ترومبێلەکا دی گەلەک ب لەزات دھات و کەفتە د ناڤا وان کەسێن ل نێزیک وێ روودانێ خرڤەبووین، د ئەنجامدا دو کەسان وەغەر کر، کو ئێک ژ وان خەلکێ قەزا زاخۆیە و یێ دیتر ژی خەلکێ گوندێ پلاسانە، دیسان چار کەسێن دیتر ژی بریندار بوون.