باره‌گه‌هێ بارزانى سه‌ره‌خوه‌شی ل مالباتا حه‌مید كلیچ ئه‌رسه‌لان كر
ئه‌ڤرۆ نیوز:
باره‌گه‌هێ بارزانى پرسه‌نامه‌یه‌كا سه‌ره‌خوه‌شیێ ب هه‌لكه‌فتا وه‌غه‌را داویێ یا په‌یڤدارێ پارتییا دیمۆكراتا كوردستانێ باكور به‌لاڤ كر و راگه‌هاند، هه‌ڤخه‌مێن وه‌غه‌را داویێ یا حه‌مید كلیچ ئه‌رسه‌لانن یێ ژ ئه‌گه‌رێ ڤایرۆسێ كۆرۆنایێ ژیانا خوه ژ ده‌ست دایى.
باره‌گه‌هێ بارزانى د پرسه‌نامه‌یا خوه دا ئاشكرا كر، نووچه‌یێ وه‌غه‌را سیاسه‌تمه‌دارێ كور یێ باكورێ كوردستانێ حه‌مید كلیچ ئه‌رسه‌لان، په‌یڤدارێ پارتییا دیمۆكراتا كوردستانێ باكور ئه‌و دلگران كرن، سه‌ره‌خوه‌شى ژى ل مالبات و كه‌سوكار و سه‌ركردایه‌تی و كادر و ئه‌ندامێن پارتییا دیمۆكراتا كوردستانێ باكور كرن و خوه ب هه‌ڤخه‌مێن وان دزانن، هیڤیى ژى خواستن خودایێ مه‌زن ب به‌هشتا خوه‌یا به‌رین شاد بكه‌ت و هه‌دارێ بده‌ته هه‌موو ئالییان.
