رێڤەبەرێ گشتی یێ كارەبێ: ئاستێ بەرهەمئینانا کارەبێ زێدەبوویە
ئەڤرۆ نیوز:
رێڤەبەرێ گشتی یێ بەرهەمئینانا كارەبا هەرێما کوردستانێ راگەهاند؛ ئاستێ بەرهەمئینانا کارەبێ بۆ (3800) مێگاواتان زێدەبوویە و ئەڤەژی ل چاڤ سالا بوری زێدەبوویە.
دیار بابان، رێڤەبەرێ گشتی یێ بەرهەمئێنانا كارەبا هەرێما کوردستانێ راگەهاند: دنوکەدا ئاستێ بەرهەمئینانا کارەبێ ل هەرێمێ گەهشتیە (3800) مێگاواتێن کارەبێ و بڕیارە د هەیڤا نیسانا ئەڤسالەدا (100) مێگاواتێن دی یێن كارەبێ ل گەرمیان بهێنە بەرهەم ئینان و د هەیڤا تەموزێ ژێ دا رێژەیا وێ هەر ل گەرمیان بۆ (165) مێگاواتێن كارەبێ زێدەبکەن.
ناڤبری گوت: ل چاڤ سالابوری ئاستێ بەرهەمئینانا کارەبێ زۆر زێدەبوویە.
رێڤەبەرێ گشتی یێ بەرهەمهئینانا كارەبا هەرێمێ ئەو چەندە ژی دیارکر، لگۆری راپۆرتەکا وەزارەتا سامانێن سروشتی بڕیارە بەرهەمئینانا غازا سروشتی بۆ (200) سێجا بهێتە بلندکرن بڤێ دشیێن پرانیا ئێستگەهێن ژ كاركەفتی بێخینەکار و بارودۆخێ كارەبێ ب شێوەیەکێ بەرچاڤ سال ل دووڤ سالێ روو ل باشیێ دکەت.
