کۆمبوونا جڤاتا ئاسایشێ دەربارێ سوریا شکەستن ئینا
ئەڤرۆ نیوز:
کۆمبوونا جڤاتا ئاسایشا نێڤ دەولەتی دەربارێ سوریا شکەستن ئینا، وەلاتێن ئەندام و د کۆمبوونێ دا نەگەهشتنە رێکەتنەکا هەڤشک.
ئەڤرۆ رۆژا چارشەمبی ئاژانسا فرانس پرێس بلاڤکریە ؛ پشتی رۆژەکێ ژ کۆمبوونێن گرتی جڤاتا ئاسایشا نێڤ دەولەتی شکەستن ئینا ژ دەرخستنا بەیاننامەیەکا هەڤبەش دەربارێ چارەسەریا سیاسى بۆ دۆخى سوریا”.
جڤاتێ رۆژا سێ شەمبی کۆمبوونەکا گرتی ئەنجامدا ژبوو مەبەستا دیتنا رێیا چارەیەکێ بۆ چارەسەریا سیاسى ل سوریا بەلێ شکەستن ئینا.
هەیڤانە جڤاتا ئاسایشێ کۆمبوونێن خۆە دەربارێ سوریا ب ڤەکری ئەنجام دەدان، بەلێ ب ئەگەرێ شکەستنا دوماهی کۆمبوونا جنێف بڤێ دۆسیەیێ جڤاتێ بڕیارا کۆمبوونەکا گرتی دا،بەلێ دوێ کۆمبوونێ ژی دا شکەستن ئینا.
ئەڤ چەندە ددەمەکی دایە ل سالا 2011وەرە سوریا د رەوشەکا مرۆڤێ یا کارەسات دا دەرباز دبیت و ب ملیۆنان کەس ئاوارەیێن وەلاتان بوون و بەسەدان هەزاران ژی بوونەتە قوربانى ، هەتانها چ چارەسەریەک بۆ ئەڤێ دۆسیەیێ نەهاتیە دیتن.
