داخوازی ل سه‌ر كارێن وێ هه‌یه
هه‌له‌بجه، عه‌زیز هه‌ورامی:
نوخشه وه‌هاب، ژنه‌كا ده‌ست ره‌نگینا باژێرێ حه‌له‌بجه یه، د دیداره‌كێ دا بۆ رۆژناما ئه‌ڤرۆ دبێژیت: ئه‌ڤه ده‌مه‌كێ درێژا ئه‌ز دبۆارێ ده‌ست ره‌نگینیێ دا كاردكه‌م و باش دزانم نه به‌س ل باژێڕێ من به‌لكو ل هه‌موو كوردستانێ كچ و ژنێن ده‌ست ره‌نگین دمشه‌نه و هنده‌ك ژوان شه‌رم دكه‌ن خوه دیاركه‌ن هنده‌ك ژی هه‌نه حه‌زدكه‌ن كاربكه‌ن لێ كه‌س پشته‌ڤانیا وان ناكه‌ت.
ناڤهاتیێ گۆت: ئه‌ز گه‌له‌ك كارێن ده‌ستی ب تایبه‌ت ئه‌و كه‌رستێن گرێدای ب كچ و ژنان ڤه چێدكه‌م و من گرۆپه‌ك هه‌یه ئه‌ز وانژی فێردكه‌م و هه‌موو به‌رهه‌مێن خوه ل پێشانگه‌هان نیشادده‌م و خه‌لكه‌ك دهێت دكریت و داخوازی ل سه‌ر هه‌یه و بڤێ رێێی ئه‌ز و گه‌له‌ك هه‌ڤالێن من یێن ڤی كاری دكه‌ن دشێین ژروویێ ئابووری ڤه هاریكاریا مالێن خوه بكه‌ین.
