مه دڤێت ب كارێن ده‌ستی ببینه رویه‌كێ گه‌ش بۆ باژێرێ خوه
ئه‌ڤرۆ، هه‌رهین محه‌مه‌د:
جوان محه‌مه‌د ئه‌مین، ژنه‌كا باژێرێ دهۆكێ رابوویه ب كومڤه‌كرنا چه‌ند كچان كو كارێ ده‌ستی دكه‌ن و پێشانگه‌هه‌ك بۆ ڤه‌كریه، ناڤهاتیێ ددیداره‌كی دا بۆ رۆژناما ئه‌ڤرۆ گۆت: ژمێژه من ئه‌ڤ هزره هه‌بوو پێشانگه‌هه‌كا كارێن ده‌ستی ڤه‌كه‌م و هه‌تا كو شیام من ئه‌ڤ خانمه هه‌موو كومڤه‌كرین و ڤه‌كرنا ڤان جۆره پێشانگه‌هان پشته‌ڤانیه‌كه بۆ كچێن كورد كو ب شێن ب كارێن ده‌ستی داهاته‌كی ب خوه، یان مالێن خوه په‌یدابكه‌ن و ژبلی ڤێ چه‌ندێ ژی كارێ ده‌ستی كاره‌كێ پیرۆزه و مه دڤێت ب كارێن ده‌ستی بینه رویه‌كێ گه‌ش بۆ باژێرێ خوه.
جوانێ گۆت: هه‌تا بیست كچان پشكداری دوێ پێشانگه‌هێ دا كربوون و گه‌له‌ك كچێن دی ژی حه‌زدكرن پشكدارببن، به‌لێ نه‌دشیان ئاماده‌بن و خه‌لكێ مه ژی گه‌له‌ك به‌رێ خوه دایه كارێن ده‌ستی و پشتی ڤێ ته‌كنه‌لۆژیایێ و سۆشیال میدیایێ گه‌له‌ك ژوان هزر بۆخوه ژی َوه‌رگرتینه و گه‌له‌ك جاران ژی من هزر داینه وان و گه‌له‌ك داخازی ژی ل سه‌ر وان تشتان هه‌یه یێن ئه‌و چێدكه‌ن و ڤه‌كرنا ڤان جوره پێشانگه‌هان گه‌له‌ك یاباشه و دێ شه‌رما وان كچان شكێت یێ كارێ ده‌ستی دكه‌ن و دێ زانن ئه‌ڤه كاره‌كێ جوانه و رێڤه‌به‌رێ گشتی یێ ره‌وشه‌نبیری و هونه‌ری سوز دایه مه ل ده‌مێ ڤه‌كرنا فلمه فیسته‌ڤالا دهۆكێ دێ جاره‌كا دی كارێن وان هێنه نیشادان.
