پرۆژێ ستراتیژی یێ ئاڤا ئامێدیێ كارێ خوه راوه‌ستاند
ئامێدیێ، مه‌حمود نهێلی:
ژ به‌ر شێلیبوونا ئاڤا رووبارێ زێ، پرۆژێ ستراتیژی یێ ئاڤا ئامێدیێ كارێ خوه بۆ ده‌مه‌كی راوه‌ستاندن.
ئه‌ندازیار به‌شار حه‌جی، به‌رپرسێ فه‌رمانگه‌ها ئاڤا ئامێدیێ ئه‌ڤ یه‌كه بو ئه‌ڤرۆ نیوز پشتڕاست كر و گۆت: “شێوازێ چێكرنا ڤی پرۆژه‌ی ل سه‌ر رێژا هزارێ ژ شێلبوونێ هاتیه دروستكرن و هه‌ر ده‌مه‌كێ رێژا شێلیبوونا ئاڤێ ژ هزارێ ده‌رباز بوو، نه‌شێت ب دروستی كار بكه‌ت و دێ بیته ئه‌گه‌رێ ژ كار كه‌فتنا ڤی رۆژه‌ی، پرۆژه بۆ ده‌مه‌كی هاتیه راوه‌ستاندن”.
گۆتژی: “داكو پرۆژه ژ كار نه‌كه‌ڤیت، ئه‌م ل گه‌ل شێلیبوونا ئاڤێ ب رێژه‌كا زۆر كارێ پرۆژه‌ی رادوه‌ستینین، له‌و داخوازێ ژ خه‌لكێ ده‌ڤه‌رێ دكه‌ین د ڤان چه‌ند رۆژان دا مه‌زاختنه‌كا زۆر د ئاڤێ دا نه‌كه‌ن، هه‌تا ئاڤ زه‌لال دبیت و بشێین ئاڤێ بده‌نه وه‌لاتیان، ل پڕانیا جهان پرۆژێن كه‌ڤن دێ ده‌ینه كاری و چێدبیت بشێین هه‌ر دو رۆژان جاره‌كێ ئاڤێ بده‌ینه وه‌لاتیان”.
