ئەحمەد سەلاح: دەستەیا نوو دێ ب پلان و خزمەتەکا باشتر کار کەت
شاهۆ فەرید
ب فەرمی هاری محەمەد عەلی وەکۆ سەرۆکێ نوو یێ فدراسیۆنا یارییا بلیاردێ و سنۆکەرێ ل پارێزگەها دهۆکێ، پشتی د پرۆسەیا هەلبژارتنێن دەستەیا نوو ل لژنەیا ئۆلمپییا پارێزگەها دهۆکێ هاتینە کرن، هەروەسان هەر ئێک ژ ئەحمەد سەلاح بوو ئەمینداری گشتی و سامی محەمەد بەرپرسێ دارایی.
د دیدارەکا تایبەت دا ئەحمەد سەلاح بۆ رۆژنامەیا ئەڤرۆ گۆت: پشتی ب دووماهی هاتنا هەلبژارتنان پێ نەڤێت ئێکەم کارێ مە دانانا پلانێن ڕێکخستی یە بۆ چالاکیێن داهاتی تایبەت بۆ چار سالان دو تیمێن باش بەرهەڤبکەین بۆ هەردو یاریا بلیاردێ و سنوکەرێ، خولەکێ بۆ دادڤانان ژی ئەنجامبدەین بۆ هەبوونا دادڤانیێن باش بۆ هەر قارەمانی و خولەکا هەبیت.
هەروەسان گۆت: ژبەرکو یاسایەکا نوو هاتیە دناڤا فدراسیونێ دا ئەوژی دانانا دادڤانەکێ دەستنیشانکری ل گەل دو ڕاهێنەران بۆ بلیاردێ و سنوکەرێ، دێ مە گەلەک کاریێن باش و نوو هەبن کۆ دەمیێن داهاتی پتر خزمەتا یاریزانێن ئەڤێ یاریێ بکەین سەرانسەری پارێزگەها دهۆکێ و خزمەتەکا جودا و باشتر پێشکێشی بکەین.
ل دووماهیێ ئەحمەد سەلاحی گۆت: وەکو دەستەیا نوو یا فدراسیۆنا ڤێ یاریێ دێ ب پلان و خزمەتەکا باشتر کار کەین و بەرنامەیێن باش هەنە کو زێدەتر پووتەدانا یاریزانێن مە یێن خودان شیان بهێنە کرن بشێن پشکداریێ د قارەمانیێن نافخوە و دەرڤە دا بکەن.
