په‌یڤدارێ پارتی: بریارا موقته‌دا سه‌در بۆ پشكداریێ د هه‌لبژارتنان دا د خزمه‌تا به‌رژه‌وه‌ندیا گشتی دایه
ئه‌ڤرۆ:
په‌یڤدارێ پارتی دیموكراتی كوردستان، مه‌حموود محه‌مه‌د، د به‌یاننامه‌كێ دا پێشوازیا پارتی ل بریارا (موقته‌دا سه‌در) سه‌رۆكێ باسكی سه‌دری ل دۆر پشكداریێ د هه‌لبژارتنێن داهاتی دا راگه‌هاند، ئه‌ڤه ژی ده‌قێ وێ یه:
ژ روانگه‌ها هه‌ست ب به‌رپرسیاره‌تیێ و سه‌قامگیریێ و ئالۆزتر نه‌بوونا ره‌وشا ئیراقێ، وخستنا پرۆسا سیاسی ل سه‌ر رێیه‌كا دروست و ساخله‌م ب ئاراسته‌یا چاره‌سه‌ركرنا كێشان، به‌ری دو هه‌فتیان د په‌یامه‌كا مه یا فه‌رمی دا مه داخواز ژ به‌رێزان باسكێ سه‌دری و چه‌ند لایه‌نێن دی كربوو كو لێزڤرینێ د بریارا پشكدارینه‌كرنێ د پرۆسا هه‌لبژارتنێن جڤاتا نوونه‌رێن ئیراقێ دا بكه‌ن و پشكداریێ د وێ پرۆسێ دا بكه‌ن ب وێ مه‌ره‌مێ هه‌موو لایه‌ك پێكڤه ئه‌ركێ راستڤه‌كرنێ و چاكسازیێ و چاره‌سه‌ریا كێشێن ئیراقێ بگرنه ستوو.
دیاره پشتی پێداچوونێ و ل به‌رچاڤ وه‌رگرتنا به‌رژوه‌ندیا گشتی، به‌رێز (سه‌ید موقته‌دا سه‌در) راگه‌هاند كو وه‌كو باسكێ سه‌دری دێ پشكداریێ د پرۆسا هه‌لبژارتنێن جڤاتا نوونه‌ران دا كه‌ن، ئه‌ڤ بریاره ژی د خزمه‌تا به‌رژه‌وه‌ندیێن گشتی دایه و ئارامیا رێڤه‌چوونا پرۆسێ، له‌وما دوباره داخوازێ ژ هه‌موو ئه‌و حزب و قه‌وارێن سیاسی و كه‌سایه‌تیێن دی دكه‌ین كو ب بریارا پشكدارینه‌كرنێ د پرۆسا هه‌لبژارتنان دا بچن و وان هاندده‌ین بۆ پشكداریكرنێ د وێ پرۆسێ دا ل پیناڤی به‌رژه‌وه‌ندیا گشتی یا ئیراقێ دا.
