ماكرۆن به‌حسێ سه‌ره‌دانا خوه بۆ كوردستانێ و رۆلێ پێشمه‌رگه‌ی دكه‌ت
ئه‌ڤرۆ:
پشتی ب دووماهی ئینانا سه‌ره‌دانا خوه بۆ ئیراقێ و هه‌رێما كوردستانێ و گه‌هشتنا وی بۆ پاریس، سه‌رۆكێ فره‌نسی (ئێمانوێل ماكرۆن) د تویته‌كا تایبه‌ت دا به‌حسێ سه‌ره‌دانا خوه بۆ هه‌ولێرا پایته‌ختێ هه‌رێما كوردستانێ و رۆلێ پێشمه‌رگه‌ی ل شه‌رێ دژی داعشێ دكه‌ت.
سه‌رۆكێ فره‌نسی (ئێمانوێل ماكرۆن) د پێگه‌هێ خوه یێ تایبه‌ت دا ل سه‌ر تۆرا جڤاكی یا تویته‌ری، ل دۆر سه‌ره‌دانا خوه بۆ هه‌رێما كوردستانێ به‌لاڤكر” فره‌نسا هیچ ده‌مه‌كی پێگیریا شه‌ركه‌رێن كورد ل شه‌رێ دژی داعشێ ژبیر ناكه‌ت، من خواست سه‌ره‌دانا خوه بۆ ئیراقێ ل هه‌ولێرێ ب دووماهی بینم، نێچیرڤانێ ئه‌زیز، سوپاس بۆ وێ پێشوازیێ”.
ئێمانوێل ماكرۆن پشتی پشكداری د كۆپیتكا هاریكاریێ ل به‌غدا كری، گه‌هشته هه‌ولێرا پایته‌ختێ هه‌رێما كوردستانێ و ل گه‌ل هه‌رسێ سه‌رۆكایه‌تیێن هه‌رێما كوردستانێ (سه‌رۆكێ هه‌رێمێ، سه‌رۆكێ حوكمه‌تێ، سه‌رۆكا په‌رله‌مانی) كۆمبوو، هه‌روه‌سا دیداره‌كا تایبه‌ت ژی ل گه‌ل سه‌رۆك مه‌سعود بارزانی هه‌بوو.
