بۆچی دچینه ده‌نگدانێ؟
زه‌نون سلێڤانه‌ی/ زاخۆ
بێگۆمان كریارا ئه‌نجامدانا هه‌لبژارتنێن هه‌مه‌جۆر د ژیانا هه‌ر تاكه‌كه‌سه‌كێ یه د وه‌لاتێ خوه‌دا چ بۆ دروستكرنا په‌رله‌مان و جڤات و باژێرڤانیێ پیخه‌مه‌ت هندێ ئه‌ڤ جۆره هه‌لبژارتنێن هه‌نێ دئێنه ئه‌نجامدان پشكداریا هه‌ر وه‌لاتیه‌كی یێ مافێ ده‌نگدانێ هه‌یی پشكداریا قه‌وارێن سیاسی هه‌ر ئێك ب ره‌نگه‌كێ د بۆچوون و نێرینێن خوه دا دبێژن، ژبه‌ر چی ئه‌م دچن ده‌نگێ خوه دده‌ن مه‌ره‌م ژ ڤان هه‌لبژارتنان چیه بكت و كۆم ل رۆژا ده‌نگدانێ دێ قه‌ستا جهێ بنگه‌هێن ده‌نگدانێ دكه‌ن و ده‌نگێن خوه بده‌ن.
ل ڤێرێ یاخوه‌یایه ل هه‌رێما كوردستانێ د ماوه‌ی ڤان بیست و نه‌هـ سالێن ده‌ربازبوویێ دا چه‌ندین هه‌لبژارتنێن هه‌مه‌جۆر هاتنه ئه‌نجامدان چ ل ناڤخوه سه‌رتاسه‌ری ئیراقێ بگره ژ ئه‌نجامدانا هه‌لبژارتنێن په‌رله‌مانی و جڤاتا پارێزگه‌ه و سه‌رۆكاتیا هه‌رێمێ كو ئه‌ڤه ژی ڤه‌دگه‌رت هێڤێنێ ره‌نج و خه‌بات و قوربانیێن وێ شۆرش و به‌رخودانێ یه هه‌تا دوهی و پێر ژی ئه‌ڤ شۆرش و به‌رخودانه ب تڤه‌نگی و خه‌باتا سیاسی هاتیه كرن به‌رامبه‌ر وێ سیاسه‌ت و نه‌هامه‌تیێ یا ده‌ستهه‌لاتدارێن رژێما فاشیێن داگێركه‌ران ژبۆ بده‌ستڤه‌ئانینا ئارمانج و ده‌ستكه‌ڤتیێن گه‌لێ كورد كو بگه‌هینن بۆ قۆناغا رزگاریێ و سه‌ربخوه‌یێ، پاشى هێدێ هێدی پشكه‌كا ڤان ئارمانج و ده‌ستكه‌فتیان ب سه‌ركه‌فتیانه بده‌ستڤه‌هات ب خوه‌ها كه‌دا وان قوربانیێن شۆرش و سه‌رهلدانا گه‌لێ كوردستانێ یه،
به‌لێ ل دۆر گرنگیا ڤی بابه‌تێ هه‌لبژارتنان پێدڤی ناكه‌ت ب تیر و ته‌سه‌لی په‌سن و پێناسه‌بكه‌ن هه‌لبژارتن چیه، لڤێره یا دیاره خه‌لك دێ ب حه‌ز و رازمه‌ندیا خوه ب چو ئاوایێ پشكداریێ د پرۆسیسا ئه‌نجامدانا هه‌لبژارتنێن د په‌رله‌مانێ ئیراقێ كو ژڤانه ل رۆژا (10مه‌ها چریا ئێكێ 2021) دهێته ئه‌نجامدان یا گرنگ ئه‌وه رێژه‌یا ده‌نگده‌ران چه‌ندی سه‌دێ پشكداریێ دكه‌ن هه‌یا نها ئه‌ڤ كاندیدێن قه‌وارێن سیاسی خوه به‌ربژكرینه هه‌تا چ راده دشێن رویێ خوه‌یێ راسته‌قینه نیشا وی خه‌لكی بده‌ت دویر ژ دیارده‌یا گوتن و سۆز و په‌یمانان به‌رامبه‌ر وی خه‌لكی پشتی بداویهاتنا هه‌لبژارتنان ژی ئه‌و سۆز و په‌یمانێن دایین و بێ كریار ده‌ركه‌ڤیت.
یا ژهه‌میێ گرنگتر ئه‌وه ئه‌ڤ هژمارا كاندیدێن خوه به‌ربژاركرین هه‌ر ئێك ژ وان د بازنێ جوگرافیا سنوورێ ده‌ڤه‌رێن خوه‌دا گوهداریا دیتن و بۆچوون و په‌یامێن خه‌لكێ پشكدار بوویێ بكه‌ن، ئانكو هه‌ر ئێك ب گۆره‌ی حه‌ز و ڤیانا خوه د رۆژا ئه‌نجامدانا ڤێ پرۆسیسا هه‌لبژارتنێن لڤێ داویێ بكت و كۆم دیسا ڤه دێ قه‌ستا جهێ بنگه‌هێن ده‌نگدانێ دكه‌ن، ژبه‌ر چی دێ ده‌نگێ خوه دده‌ن.
پشكه‌كا وی خه‌لكی دبێژن یێ ژبه‌ری نها ژی چ خزمه‌تێن هه‌ره گرنگ و پێدڤی نه‌هاتیه‌كرن، ئه‌وژی مافه‌كێ وان یێ سروشتی ئه‌ڤ ره‌نگه ئاخفتنێن هه‌نێ ببیته سه‌ردێر و مانشێتێن رۆژانه لسه‌ر زاراڤ و زمانێ وان دهێته گوتن، به‌لێ چ پێ نه‌ڤێت هه‌موو جۆرێن گله و گازنده‌ێان دێ هه‌بن هه‌لبژارتنێن ڤێ جارێ د بازنه‌كێ ئێكگرتی دا كار و خه‌باتێ بكه‌ن هه‌تا پشتی بداویهاتنا هه‌لبژارتنان ژی ئه‌ڤ كاندیدێن ده‌ربكه‌ڤن هێڤێنێ ره‌نج و ماندیبوونا خۆراگریا ڤی خه‌لكی ل به‌رچاڤ په‌یره‌و بكه‌ن ل به‌غدا ب هه‌لویست و به‌ره‌یه‌كێ ئێكگرتنی بزاڤ وخه‌باتێ بكه‌ن، ژبۆ بده‌ستڤه‌ئانینا ماف و ده‌ستكه‌ڤتێن گه‌لێ كورد و كوردستانیان وه‌ك سه‌رۆك بارزانی د ئاخفتنا ڤێ داویێ دا گوتی (كێم باخڤن گه‌له‌ك كار بكه‌ن).
