سه‌رۆك بارزانی پێشوازیێ ل بالیۆزێ بریتانیا ل ئیراقێ دكه‌ت
ئه‌ڤرۆ:
سه‌رۆك مه‌سعود بارزانی ل سه‌لاحه‌دین پێشوازی ل مارك برایسن ریچاردسۆن، بالیۆزێ بریتانیا ل ئیراقێ و شانده‌كێ دگه‌لدا كر.
د دیداره‌كێ دا، ره‌وشا سیاسی یا ئیراقێ و ب رێڤه‌چوونا هه‌لبژارتنێن جڤاتا نوونه‌رێن ئیراقێ و قۆناغا پشتی هه‌لبژارتنان هاتنه به‌حسكرن.
هه‌ر د وێ كۆمبوونێ دا هه‌ردولا پرۆسا هه‌لبژارتنان ب سه‌ركه‌فتی هژمارت و هیڤیا وێ چه‌ندێ خواستن كو ئه‌نجامێن هه‌لبژارتنان ببیته ده‌ستپێكا قۆناغه‌كا نوو كو تێدا سه‌قامگیریا سیاسی بده‌ستڤه بهێت و به‌رژه‌وه‌ندیا گشتی و خواستێن وه‌لاتیان و ده‌نگده‌ران بهێنه بجهئینان.
د پشكه‌كا دی یا وێ دیداری دا بالیۆزێ بریتانیا ل ئیراقێ پشته‌ڤانیا وه‌لاتێ خوه بۆ هه‌رێما كوردستانێ و چاكسازیێن وه‌زاره‌تا پێشمه‌رگه و هه‌ماهه‌نگی د ناڤبه‌را هێزا پێشمه‌رگێ كوردستانێ و هێزێن ئیراقێ دووپات كر.
