رێكخراوا ساخله‌میا جیهانی: ئومیكرۆن ل پتریا وه‌لاتان په‌یدابوویه و چ جار هوسا ب له‌ز نه‌هاتیه ڤه‌گۆهاستن
ئه‌ڤرۆ، به‌رپه‌رێ ساخله‌میێ:
رێكخراوا ساخله‌میا جیهانی دیاردكه‌ت هه‌تا نوكه ئومیكرۆن ل 77 وه‌لاتان په‌یدابوویه و ره‌نگه ل هه‌موو وه‌لاتان هه‌بیت و نه‌هاتبیته ده‌ستنیشانكرن.
سایتێ ده‌نگۆباسێن نه‌ته‌وێن ئێكگرتی ژ زارده‌ڤێ ( تیدروس ئه‌دناهۆم) به‌لاڤكریه كو ” ئومیكرۆن ب شێوه‌یه‌كی به‌لاڤه‌دبیت به‌ری نوكه مه نه‌دیتیه”.
ئاماژە دایه، هه‌تا هه‌كه ئومیكرۆن ب مه‌ترسیتر ژی نه‌بیت، تووشبوونا ڤێ هژمارا زوور دێ كارتێكرنێ ل سیسته‌مێ ساخله‌میێ كه‌ت”.
و گۆت: پێدڤیه بوو هه‌موو كه‌سان یا دیاربیت كو ڤاكسین ب تنێ مه ژ ڤێ قه‌یرانێ ده‌رباز ناكه‌ن، پێدڤیه هه‌موو وه‌لات رێكارێن خۆپاراستنێ بگرنه به‌ر بو رێگریێ ل به‌لاڤبوونا وێ.
هوشداریێ دده‌ت كو ڤاكسین رێكا ئێكانه‌یه بو پاراستنا وان كه‌سێن پتر به‌رئاتافی نه‌خۆشیێ دبن.
ل دووڤ رێكخراوا ساخله‌میا جیهانی هێشتا ل 41 وه‌لاتان رێژا ڤاكسیندانانێ نه‌گه‌هشتیه 10% و 98 وه‌لاتان ژی نه‌بوویه 40% و خه‌لك گه‌له‌ك تێكه‌لیان دكه‌ن و ئه‌ڤه كارتێكرنێ ل هه‌موو وه‌لاتان دكه‌ت.
