نوشداره‌كێ دهۆكێ 1800 گولچیسك بۆ نه‌خۆشان چاندینه
دهۆك، له‌زگین جوقی:
نوشداره‌كێ پارێزگه‌ها دهۆكێ دگه‌ل تیمه‌كێ نوشداران 1800 گولچیسك بۆ نه‌خۆشان چاندینه و دبێژیت:” كه‌سێن پێنج سالی هه‌تا 70 سالی گۆلچیسك بۆ هاتینه چاندن و گه‌له‌ك ژ نه‌خۆشان ژبه‌غدا و به‌سرا و رومادی قه‌ستا دهۆكێ دكه‌ن.
د. شاكر سه‌لیم بالندی، تایبه‌تمه‌ندێ نه‌خۆشێن گولچیسك ومیزه‌رویێ ل دهۆكێ دیاركر كو:” نه‌خۆشێن گولچیسكا ژ به‌غدا و رومادی و به‌سرا قه‌ستا پارێزگه‌ها دهۆكێ دكه‌ن بۆ چاندنا گۆلچیسكا ئه‌ڤه تشته‌كێ زۆر یێ گرنگه ل دهۆكێ هێته ئه‌نجامدان كو ل سالا 2014ێ ل دهۆكێ ده‌ست ب چاندنا گولچیسكا هاتیه كرن رۆژ بۆ رۆژی پێشكه‌ڤتن دروست دبن دوارێ چاندنا گولچیسكا دا هه‌تا نوكه بۆ 1800 نه‌خۆشان گۆلچیسك هاتینه چاندن”.
ئاشكه‌را كركو:” هنده‌ك جۆرێن چاندنا گولچیسكا ل دهۆكێ یێن هاتینه كرن دبیت ل رۆژهه‌لاتا ناڤه‌راست هه‌موویێ نه‌هاتبنه ئه‌نجامدان ل دهۆكێ یێن هاتینه ئه‌نجامدان به‌هرا پتر یا نه‌خۆشان ئه‌ون یێن هه‌ودان بۆ گۆلچیسكێن وان چێبوویه، یان به‌رك هه‌بووینه دگولچیسكا وهنده‌كان ژی ئێشا شه‌كرێ و فشارا خوینێ هه‌نه ئه‌ڤه پتریا ئه‌گه‌رێن گولچیسك خراب بووینه بۆ وان نه‌خۆشان گولچیسك هاتینه چاندن.
د. شاكر سه‌لیم، گۆتژی:” به‌هرا پتر ژ نه‌خۆشان كولبوونا گولچیسكا بۆ وان چێبوویه وبه‌رك بۆ هنده‌كان چێبوویه هه‌تا گولچیسك خراب بووینه و نه‌خۆشیا شه‌كرێ ژی و فشارا خوینێ ژی كارتێكرن ل گولچیسكێن هنده‌ك نه‌خۆشان كریه و پێدڤی ب چاندنا گولچیسكێ بووینه”.
ئاماژه دا وێ چه‌ندێ ژی كو:” كه‌سێن ژیێ پێنج سالی هه‌تا 70 سالیێ پێدڤی چاندنا گولچیسكا بووینه و به‌ری چه‌ند رۆژان بۆ ژنه‌كا 68 سالی گولچیسك هاتیه چاندن هه‌ر ده‌مێ كه‌سه‌ك ببینیت ده‌ستئاڤا وی كێمبوویه و له‌شێ وی لاواز بوویه ئه‌و بخۆ سه‌روچاڤێن وێ زه‌ردبن یان ده‌ستئاڤا زراڤ كێم بیت، یانژی خوین بكه‌ڤته تێدا كو ده‌مێ گولچیسك لاواز دبن هه‌موو ئه‌ندامێن له‌شی لاواز دبن بوو نموونه بَهنا نه‌خۆشی ته‌نگ دبیت و دلێ وی ناچیته خوارنێ وله‌شێ وی دوه‌رمیت هه‌تا پیێن نه‌خۆشی دوه‌رمن و فشارا خوینێ زێده‌دبیت ئه‌ڤه پێدڤیه قه‌ستا نوشداری بكه‌ن.
د. شاكر سه‌لیم، خۆیا ژی كركو حاله‌ت هه‌نه هه‌لگرێ نه‌خۆشیا گۆلچیسكا بتنێ تووشی دلرابوونێ دبن یان هه‌نه مه‌عیدێ وان دئێشیت دێ بینی هه‌ودانا گولچیسكێ یه، ئه‌و كه‌سێن فشارا خوینێ و نه‌خۆشیا شه‌كرێ هه‌ین پێدڤیه پشكنینێن گۆلچیسكا بكه‌ن باشتره بۆ پشتراستبوونێ ژ كاركرنا گۆلچیسكا.
