ژنێن دوگیان ل هه‌یڤا ره‌مه‌زانێ چ بكه‌ن؟
ئه‌ڤرۆ، به‌رپه‌رێ ساخله‌میێ:
ژنا دوگیان وه‌كو ژنه‌كا سروشتی یه ل ده‌مێ ساخله‌میا وێ یا باش بیت، گه‌له‌ك ده‌مژمێرێن رۆژیگرتنێ هه‌كه كارتێكرن ل ساخله‌میا وێ كر، یانژی هه‌كه ل هه‌ر سێ مه‌هێن دووماهیێ بوو و تووشی ته‌نگه‌زاریێن ساخله‌میێ بوو و ره‌وشا وێ تێكچوو، یان هه‌كه دیت كارتێكرن دێ ل ساخله‌میا زارۆیێ وێ هێته كرن، رێك بۆ دهێته دان رۆژیا نه‌گریت، ل حاله‌تێن سروشتی چو ئاریشه نینن و پێدڤیه رۆژیان بگریت.
د.ئه‌مه‌ل عه‌بدولحه‌كیم، تایبه‌تمه‌ندا نه‌خۆشیێن ژنان و زارۆبوونێ دیاركر كو ره‌مه‌زانا ئه‌ڤ ساله د وه‌رزێ هاڤینێ دایه و گه‌له‌ك یا ب زه‌حمه‌ته روژیگر 17 ده‌مژمێران ب روژینه، ژنا دوگیان ژی دڤێت روژیێن خوبگریت چونكی ژنا دوگیان وه‌ك ژنا نه‌دوگیانه ئه‌گه‌ر ساخله‌میا وێ یاباش بو و چ كارتێكرن لێ نه‌بوو دێ شێت روژیاخوه ب شَێوه‌كێ نورمال بگریت ب مه‌رجه‌كی ئه‌و ده‌مژمێرێن دناڤبه‌را پاشیڤ و فتارێدا هند خوارنێ و شله‌مه‌نیا ڤه‌خوت كو ب روژێ كارتێكرنێ ل وێ و زارویێ وێ نه‌كه‌ت.
د.ئه‌مه‌ل عه‌بدولحكیم تایبه‌تمه‌ندا ژنان و زاروبوونێ دیاركر ژی پێدڤیه ژنا دوگیان خوارنێ ب جاره‌كێ لسه‌ر ئێك نه‌خوت، چونكی دێ كارتێكرنێ ل مه‌عیدا وێ كه‌ت، به‌لكو یا پێدڤیه خوارنا خوه بكه‌ته سێ (وه‌جبه) دناڤبه‌را فتارێ و پاشیڤێدا و گۆت: پێدڤیه ژنا دوگیان خورمێ و قه‌سپا بخوت شووینا شرینیێن دی وه‌ك زه‌لابی و به‌قلاوێ، چونكی زور ب روین و شه‌كرن ئه‌ڤه‌ژی دێ كارتیكرنێ ل ساخله‌میا وێ كه‌ت.
تایبه‌تمه‌ندا نه‌خۆشیێن ژنان ئه‌وژی دیاركر پێدڤیه ژنا دوگیان گوشتی و فێقی و پروتینا بخوت و رێژه‌كا زورا ئاڤێ ڤه‌خوت كو نێزیكی 10 تا 15 گلاسا دپێڤینه و گۆت: یابێدڤیه ژنا دوگیان پاشیڤا خوه دره‌نگ بخوت دا ئه‌و ده‌مژمێرێن روژێ یێن درێژ كارتیكرنێ لێ نه‌كه‌ن، هه‌روه‌سا گه‌له‌ك كه‌سكاتیا بخوت، چونكی كه‌سكاتی ناهێلیت (قه‌بزبون).
هه‌روه‌سا د.ئه‌مه‌لێ دیاركر كو ل سێ مه‌هێن ده‌ستپێكێ (معیدا )ژنا دوگیان نه‌یا درسته به‌رده‌وام دلێ وێ رادبیت و دگه‌ل دلرابوونێ گه‌له‌ك شله‌مه‌نی و (معادن)ژ له‌شێ وێ ده‌ردكه‌ڤن، له‌و را ره‌نگه ئه‌ڤ ده‌مژمێرن درێژ كارتێكرنێ ل وێ و زارویێ وێ بكه‌ت و گۆت: د ڤی حاله‌تی دا وێ مافێ هه‌ی روژیا خوه بخوت و پشتی زارۆیێ خوه ددانیت وێ روژیێ بگریته‌ڤه ،گوت: هه‌رسێ مه‌هێن نیڤه‌كێ ئاسانترن بو ژنا دوگیان ژ مه‌هێن ده‌ستپێك و دووماهیێ، چونكی ل مه‌هێن دووماهیێ فشارا خوینێ یا بلند بیت یان نه‌خوشیا شه‌كرێ هه‌بیت یان میلاكێن وێ نه د دروست بن یان ژانێن به‌ری وه‌ختی بێنێ، یان زارویێ وێ به‌ری وه‌ختی ژ دایك بیت لڤی ده‌می ژی ماف یێ هه‌ی روژیا خوه بخوت. دیسان پشتی ژنێ زارۆ دبیت پێدڤیه ل وی ده‌می ژی گه‌له‌ك شله‌مه‌نیا و خوارنێن باش بخوت دا شیر تێرا زارویێ وێ بكه‌ت، ل ده‌مێ یا ب روژی، به‌لێ هه‌كه دیت ساخله‌میا وێ نه یا باشه و زارویێ وێ زور یێ زه‌عیفه و شیرێ وێ به‌ره‌ڤ كێمبوونێ ڤه دچیت درسته د ڤێ ماوه‌ی دا روژیا خو بخوت.
