مالپه‌ڕێن سێكسی ژێده‌رێ به‌لاڤكرنا به‌دڕه‌وشتیێ
هه‌ولێر، قائید میرۆ
په‌رله‌مانتاره‌ك: كاره‌ساته سنێله و زارۆك بڤی شێوه‌ی بشێن مالپه‌ڕێن پۆرن و بكار بینن
وه‌زاره‌تا گه‌هاندنا عێراقێ بڕیاردایه هه‌موو مالپه‌ڕێن سێكسی ل عێراقێ بهێنه گرتن و ئه‌ندامه‌كێ په‌رله‌مانێ كوردستانێ ژی ئاشكراكر، مالپه‌ڕێن سێكسی ژێده‌رێ گه‌هاندنا به‌دڕه‌وشتیێ نه بۆ خه‌لكێ كوردستانێ و عێراقێ هه‌روه‌ها دبێژیت، پێدڤیه هه‌موو مالپه‌ڕێن سێكسی بهێنه قه‌ده‌غه‌كرن و پاكێجا خێزانی نابیته ئه‌گه‌رێ رێگریێ ل ڤه‌كرنا مالپه‌ڕێن سێكسی.
عومه‌ر گولپی، ئه‌ندامێ په‌رله‌مانێ كوردستانێ بۆ رۆژناما ئه‌ڤرۆ دیاركر” ل زۆربه‌یا وه‌لاتێن جیهانێ رێك ناهێته‌دان بڤی شێوه‌ی ئینته‌ر كار بكه‌ت، مخاب نپاره و په‌روه‌ردیێن كۆمپانیێن بیاڤێ گه‌هاندنێ بویه ئه‌گه‌ر سه‌دان مالپه‌ڕ ڤیدیۆیێن به‌دڕه‌وه‌شتی بگه‌هنه هه‌رێما كوردستانێ، پشتی دوڤچوونه‌كا هویر لسه ره‌وشا بكار ئینانا مالپه‌ڕێن سێكسی ل وه‌لاتێن جیهانێ، ل چو وه‌لاتێن جیهانی رێك ناهێته‌دان زارۆیه‌كێ 12 سالی یان سنێله‌كێ 18 سالی ب ساناهی مالپه‌ڕێن سێكسی بكاربینن، چونكه ل وه‌لاتێن جیهانێ ئینته‌رنێتا فری نینه، كۆمپانیێن مه‌زن یێن جیهانی یێن بیاڤێ پۆرن كار دكه‌ن ئه‌گه‌رن بۆ گه‌هاندنا به‌دڕه‌وشتیێ بۆ وه‌لاتێن جیهانێ، هه‌ر ئه‌و كۆمپانیێن جیهانێ رێگرن قانوون دژی وانا بهێنه ده‌ركرن، زانستێن جڤاكناسی و ده‌روونزانی و پزیشكی سه‌لماندیه ته‌ماشه‌كرنا گرته‌یێن سێكسی چو زیان بۆ مرۆڤی هه‌نه، بتایبه‌تی بۆ كه‌سێن ژیه‌كێ كیچم هه‌یه وه‌كی زارۆك و سنێله‌یان، سه‌ره‌ڕای وان زیانێن زۆر یێن مالپه‌ڕێن سێكسی هه‌تا نوكه حوكمه‌تا هه‌رێما كوردستانێ پێنگاڤێن پێدڤی بۆ كۆنتڕۆلكرنا وان مالپه‌ڕێن سێكسی نه‌هاڤێتی نه.
عومه‌ر گولپی ئاماژه‌كر” بڕیارا وه‌زاره‌تا گه‌هاندن و ڤه‌گوهاستنا هه‌رێما كوردستانێ بۆ پێگیربوونا كۆمپانیێن گه‌هاندنێ ب چێكرنا پاكێجێن خێزانی نابیته ئه‌گه‌رێ چاره‌سه‌ركرنا ئه‌ڤێ ئاریشێ، هه‌تا بگره نابیته ئه‌گه‌رێ كێم كرنا وانژی، سێ هه‌یڤ ده‌ربازبووینه لسه‌ر ده‌ركرنا ئه‌ڤێ بڕیارا وه‌زاره‌تا گه‌هاندنا هه‌رێما كوردستانێ و هه‌تا نوكه هژماره‌ك كۆمپانیێن گه‌هاندنێ به‌رهه‌ڤ نینه بۆ بجه ئینانا بڕیارا پاكێجا خێزانی، پێدڤیه په‌روه‌رده‌یه‌كا دروست بۆ زارۆكی و سنێله‌ی هه‌بیت، ئه‌ڤه‌ژی بۆڤێ چه‌ندێ ببیته ئه‌گه‌رێ رێگریێ ل ره‌وشتێن خراپ و ره‌فتارێن نه‌هه‌ژی، به‌لێ مخابن ئه‌ڤا نوكه ل هه‌رێما كوردستانێ هه‌ی ل وه‌لاتێن ئورۆپی نینه و ل وه‌لاتێن زۆر دیموكراتی و ڤه‌كریژی زارۆك و سنێله نه‌شێن ب ساناهی ئینته‌رنێتا فری بكار بینن و گوره‌ی حه‌زێن خوه بچنه سه‌ر هه‌موو مالپه‌ڕان، ره‌وشا یا د مه‌ترسیێ دا و تنێ چاره‌سه‌ری ئه‌ڤه ل هه‌یڤا ئیلوونا بۆری ب ئیمزیا 26 په‌رله‌مانتاران مه بزاڤ كرینه بۆ ده‌ركرنا قانوونه‌كێ بناڤێ فلته‌ركرن، ئه‌ڤه‌ژی ب مه‌ره‌ما پاراستن و گه‌نج و زارۆكێن هه‌رێما كوردستانێ ل ئه‌ڤان هه‌موو مالپه‌ڕێن به‌دڕه‌وشتیێ به‌لاڤ دكه‌ن و دبنه كاره‌سات بۆ خه‌لكێ كوردستانێ.
