رەزێ بابێ
سوبحی محەمەد مالكاییزی
رەزێ بابێ ئەم پێ سەربلند و شاناز
ب چاڤدان و سەخبێرەك دلخواز
یێ كۆلای پێژان كری
د دەمێ خوە دا
ڤەوژارتی و كەزاخ كری
كۆمپانیێن ئویشیان د دان
كتكتە ڤێدا شۆڕ دكرن
گەر مێوا تژی بەلك بایا
هندەك ژ ناڤڕا ژێ دكرن
دا ڕۆناهیێ تێر وەربگرن
د بوونە ئویشیێن زەر و زەلال
هەر ئێك ژ یێ دیتر دەلال
لێ ئەڤرۆكە
پێژان لێ هاتین پەقاندن
هرچ و رویڤیان یا بەردایێ
تژی ناڤ پیسییا وانە
سیما تە یێ د ناڤ دا دیار.
