ئسرائیل: ئێرشێن مە ل سووریێ دێ د بەردەوام بن
ئەڤرۆ
بەرپرسەکێ وەزارەتا دەرڤە یا ئسرائیلێ کو نەخواستیە ناڤێ وی بهێتە ئاشکرا کرن بۆ ئاژانسا رویترز یا نووچەیان دیار کریە، ئیرانێ گەلەک بنگەهێن سەربازی ل سووریێ دروست کرینە و ئەو یەک بوویە مەترسیەکا گەلەک مەزن بۆ ئسرائیلێ، وەکو ئسرائیلێ ئەو ئێدی ل هەمبەر بزاڤێن ئیرانێ یێن ل سووریێ بێدەنگ نامینن و دێ بەردەوام ئێرشی بنگەهێن سەربازی یێن ئیرانێ و هێزێن سەر ب وێ ل سووریێ کەن.
هەمان بەرپرسی ئەو یەک ژی دیار کریە دڤێت ئێدی سووریێ رێ نەدەت ئیران ئاخا وێ بۆ مەرەمێن خۆ یێن جودا بکار بینیت، هەتا هێزێن سەر ب ئیرانێ ل سووریێ بمینن دێ ئێرشێن ئسرائیلێ ژی ل دژی وان بەردەوام بن، ژ بەر هندێ ژی دڤێت سووریێ هەموو هێزێن سەر ب ئیرانێ ژ ئاخا خۆ دەرخینیت، هەکە سووریێ کارەک وەسا بکەت ئەو ژی دێ ئێرشێن خۆ دەنە راگرتن.
