دیمـەنەكێ بهاری

رەمەزان ئیسماعیل

زاڕۆكەكێ
ب دەنگەكێ
خوەش و نازك
ل ئالیێ خوارێ ل ناڤ بهارێ و
وان گولێن گەش
سترانا دبێت

ل هەمبەری
وی زارۆكی داپیرا وی
خالەتا گول، گەلەك ژ دل
دكەتە كەنی و دگڕنژیت
مل ب ملێ هەڤالا خوە
یا مەشكێ دكێت

ل ئالیێ دی
قەوتە قەوتا بێریڤانا
د گەل هڕ هڕا شڤانا
دگەل دەنگێ بەرخ و كارا و
باڕێنا میه و بەرانا
ژ وێڤە تێت

شڤانەكێ
ل ناڤ مێرگەكێ
ل سەر بەرەكی ڕوینشتی یە
دبێژنە وی سەرە شڤان
یێ پەزێ خوە ددەتە بێرێ
دبەڕا بەڕا حەیرانۆكا
بۆ بێریا دبێت

گاڤانی ژی
ل بن چنارێ
یا پالدایە قورمێ دارێ
بلویلەكا د دەڤی دا
تبلا لێ ددەت بۆ ماهین و
هەسپێت كمێد

پێهەل ترێ
ل هنداڤی كۆچێن پرێ
كانیكەكا شرین و خوەش
پێل پێل و بۆش
ژبن كەڤرەكێ
بلند د زێت

ل ڕەخێ ژۆری
كەسك و سۆری
تەڤنێ خوە باشێ ڕاچاندی
خەملا خوەیا ژ ڕۆژێ ستاندی
بارانەكا هویرك هویرك
د گەلدا دهێت

دیمەنەكێ
هندی بێژی
گەلەك یێ سەیر و سەمەرە
چەندێ جوان و دلڤەكەرە
چەند حەز ژێ دكەم
من چەند دڤێت!

کۆمێنتا تە