شەڕێ ئۆکرانیایێ بوویە ئەگەرێ بهێزبوونا پێگەهێ بەشاری
ئەڤرۆ
ل گۆر راپۆرتەکا ئاژانسا دویچە یا ئەلمانی ژ بەر شەڕێ ئۆکرانیایێ نها زێدە بەحسێ ئالۆزیێن ل سووریێ ناهێتە کرن، ئەو یەک ژی د بەرژەوەندیا بەشار ئەسەدی دایە، ل ئالیێ دی وەلاتێن عەرەبی ژی ژ بەر بەرژەوەندیێن خۆ دخوان رەوشا سووریێ یا ئارام بیت، ب تایبەتی ژی سعوودیێ دڤێت ئالۆزیێن ل سووریێ ب دووماهی بهێن و ژ بەر هندێ ژی پشتی رێککەفتنا ئیرانێ و سعوودیێ دێ پەیوەندیێن سعوودیێ و سووریێ ژی باشتر لێ هێن.
چاڤدێرێن سیاسی ژی دیار دکەن، ژ بەر شەرێ ئۆکرانیایێ، جیهان گەلەک بەحسێ رەوشا سووریێ ناکەت، وەلاتێن رۆژئاڤایی ژی هەموو هێزا خۆ بۆ پشتەڤانیا ئۆکرانیایێ تەرخان کرینە، ئەو یەک ب هەموو رەنگەکێ د بەرژەوەندیا بەشار ئەسەدی دایە، چونکی ژ بەر شەڕێ ئۆکرانیایێ بەشاری ژی تا رادەیەکێ پەیوەندیێن خۆ ل گەل هندەک وەلاتێن عەرەبی باش بکەت، نها د ئاستێ رۆژهەلاتا ناڤین و جیهانێ دا چو وەلاتەک کار بۆ ژناڤبرنا دەستهەلاتا بەشاری ناکەت، هەتا وەلاتەک وەکو تورکیا یێ بزاڤان دکەت پەیوەندیێن خۆ ل گەل سووریێ ئاسایی بکەت.
