ڕوندكێن تە
عبدالرحمن محمود
رۆندكێن تە
هەستێن مە هەمی
دناڤ خوەدا ئازراندن
دلێن مە
ژدەردێ بێ دادیێ
چرمساندن
چ تاڤیەك دژوار بوو
ئەو هنگافتی
كولیلكێن بهارا وێ
خر وەراندن
لێ بوو پایز
هیڤیێن وێ
یێن گەش و ڕۆن
ددل دا ڤەمراندن
ئەڤ چ بێ ئومێدیەكە
دسیناهیا چاڤێن تەدا دبینم
ئەو چاڤێن
دەریایەكا خەما
ژێ دپەشن
ئەو دلێ كوزری
هزار و ئێك ئاوازێن غەریبیێ
تێدا دژەنن
خودا ..
ئیرو چویچكەكا بێ پەر
یا بێ هێز و سەر
هەمی رێك لێ دگرتینە
چەنگ و پێن وێ
لێ شكەستینە و
نەشێت بفڕیت
گەر تو نەبی
كەسەك نینە
ڕوندكێن وێ بڤەمالینە.
