سەندیکا کرێکاران هۆشداریێ ددەتە دەستهەلاتا ئیرانێ
ئەڤرۆ
ب هەلکەفتنا رۆژا جیهانی یا کرێکاران دوهی سەندیکا کرێکاران ل ئیرانێ راگەهاند، نها رەوشا کرێکاران ل ئیرانێ گەلەک خرابە، مووچێ وان گەلەک کێمە و کرێکار نەشێن وەسا بژین، ژ بەر هندێ ژی دڤێت دەستهەلاتا نها ب رەنگەکێ جدی کار بۆ باشترکرنا ژیانا کرێکاران بکەت، بەرپرسێن ئیرانێ رۆژانە دبێژن ئەو پشتەڤانیێ ل مافێن کرێکاران دکەن، لێ رۆژ ب رۆژێ ژی رەوشا کرێکاران ل ئیرانێ خراب دبیت، خەلک ب درووشمان ناژین و هەکە دەستهەلاتا نها کار بۆ باشترکرنا ژیانا کرێکاران نەکەت دێ رەوش گەلەک خرابتر لێ هێت.
ئەو یەک د دەمەکێ دایە ل گۆر دووماهی راپۆرتا وەزارەتا کار یا ئیرانێ بێکاری ل ئیرانێ گەلەک زێدە بوویە، هەروەسا داهاتێ کرێکاران گەلەک کێم بوویە، کرێکار نەشێن گەلەک ژ پێدڤیاتێن سەرەکی یێن ژیانێ بۆ خوە دابین بکەن.
