حوكمەتا هەرێما كوردستانێ: گوهۆڕینێن د ناڤ پڕۆژەقانوونا بودجەی د دەستووری نینن
ئەڤرۆ
حوكمەتا هەرێما كوردستانێ سەبارەت دەستكاریكرن و گوهۆڕینا د مادەیێن 13 و 14 ژ پڕۆژەیێ قانوونا بودجەیا
گشتی یا ئیراقێ ژ ئالیێ چەند ئەندامێن لژنەیا دارایی ڤە، بەیاننامەیەك بەلاڤكر تێدا دبێژیت: ب هیچ شێوەیەكی، ڤێ ستەمكاریێو پێشێلكرنا مافێن خەلكێ كوردستانێ قبوول ناكەین.
ل ڕۆژا پێنجشەمبیا بۆری، لژنەیا دارایی ل جڤاتا نوونەرێن ئیراقێ مادەیێن 13 و 14 ژ پڕۆژەیێ قانوونا بودجەیا گشتی ب گوهۆڕینان ڤە پەسەندكر كو تایبەتن ب پشكا هەرێما كوردستانێ و چەند ئەندامێن كورد د لژنەیێ دا كۆمبوون بجه هێلابوو، كوهۆڕین د وان دوو مادەیان دا ئەوبوون یێن ئەندامێن شیعە د لژنەیێ دا پێشكێشكرین.
حوكمەتا هەرێما كوردستانێ ل دۆر وان گوهۆڕینان بەیاننامەیەك بەلاڤكر و دبێژیت» ژبلی وێ ڕێككەفتنا كو ل گەل حوكمەتا محەمەد شیاع سودانی هاتیە كرن، حوكمەتا هەرێما كوردستانێ پێگیری هیچ بڕیارەكا دی نابیت».
دیاركر ژی» ئەو گوهۆڕینە ژ ئالیێ چەند ئەندامەكێن لژنەیا دارایی یا جڤاتا نوونەرێن ئیراقێ دژی هەرێما كوردستانێ هاتیە كرن و بڕیار د دەستووری نیننن و دژی ڕێككەفتنا حوكمەتا هەرێمێ و حوكمەتا فیدرالی یە و هەروەسا دژی پرەنسیپێن ڕێككەفتنا حوكمەتا ئیدارەیا دەولەتێ و بەرنامەیێ وێ كابینەیێ كو ل جڤاتا نوونەران دەنگ ل سەر هاتیە دان».
