رۆژنامەکا بریتانی: سەرکردێن ئۆرۆپا ب سەرکەفتنا ئەردۆغانی ددلخوەشن
رۆژنامەیا تیلگراف یا بریتانی د راپۆرتەکێ دا دیار کریە، د دەمێن بیست سالێن بۆری دا تورکیا و وەلاتێن ئێکەتیا ئۆرۆپا گەلەک ژێک دوور کەفتینە، نها بەرپرسێن تورکیا ژی باش دزانن گەلەک یا ب زەحمەتە تورکیا ببیتە ئەنداما ئێکەتیا ئۆرۆپا، هەروەسا سەرکردێن وەلاتێن ئێکەتیا ئۆرۆپا ژی ب چو رەنگەکێ بەرهەڤ نینن سەبارەت ب ئەندامەتیا تورکیا بۆ ناڤ رێزێن ئێکەتیا ئۆرۆپا ل گەل وی وەلاتی دانوستاندنان بکەن، ژ بەر هندێ ژی سەرکەفتنا ئەردۆغانی بوویە جهێ دلخوەشیا سەرکردێن وەلاتێن ئێکەتیا ئۆرۆپا.
هەمان رۆژنامێ ئەو یەک ژی دیار کریە، سەرکەفتنا کلچدار ئۆغلۆیی دا بیتە ئەگەرێ ئاریشێن نوو بۆ ئۆرۆپا، چونکی کلچدار ئۆغلۆ سۆز دابی خەلکێ تورکیا دێ جارەکا دی بەرێ تورکیا دەتە ئۆرۆپا، بێگومان ئەو یەک دا بیتە ئاریشەکا نوو بۆ ئۆرۆپا، لێ سەرکەفتنا ئەردۆغانی وەسا کر، خەونا تورکیا یا بۆ ئەندامەتیا د ناڤ رێزێن ئێکەتیا ئۆرۆپا دا بەر ب نەمانێ ڤە بچیت.
