ئۆکرانیا: مە دەست ب ئێرشێن دژوار ل دژی رۆسیا کریە
سەرۆکێ ئۆکرانیایێ راگەهاند هێزێن وان دەست ب ئێرشێن دژوار ل دژی هێزێن رۆسیا کرینە و دخوازن هەموو هێزێن رۆسیا ژ وان دەڤەران دەرخینن یێن کو بەری نها داگیر کرینە، هێزێن ئۆکرانیایێ ب چەکێن گران دەست ب ئێرشان کرینە و ئێرشێن لەشکرێ ئۆکرانیایێ ل دژی هێزێن رۆسیا دێ ب هەموو رەنگەکێ بەردەوام بن.
ل ئالیێ دی ڤیلادەمیر پۆتین سەرۆکێ رۆسیا ژی راگەهاند، ل هندەک دەڤەران هێزێن ئۆکرانیایێ دەست ب ئێرشان کرینە لێ هەموو ئێرشێن وان هاتینە ژناڤبرن و هێزێن ئۆکرانیایێ د ئێرشێن خوە دا نەشیاینە چو دەڤەرەکێ ژ دەستێ هێزێن رۆسیا دەرخینن.
ئەو یەک د دەمەکێ دایە بەری نها فەرماندارەکێ لەشکرێ ئۆکرانیایێ ژی دیار کربوو، وان دەست ب قۆناغەکا نوو یا شەری کرینە و دخوازن ب هەموو شیانێن خوە ئێرشی لەشکرێ رۆسیا بکەن و وان ژ ئاخا ئۆکرانیایێ دەرخینن.
