ئۆپەراسیۆنا ئیرانێ زیانێن مەزن گەهاندینە وەلاتیێن مەریوانێ
ئاژانسا مێهر یا ئیرانێ راگەهاند هێزێن وان چەند رۆژن دەست ب ئۆپەراسیۆنەکا بەرفرەه ل دەڤەرێن چیایی یێن باژێرێ مەریوانێ کرینە و د ئەنجاما شەری دا ژی هەتا نها سەربازەکێ وان جانێ خوە ژ دەست دایە و چەند سەربازێن وان ژی بریندار بووینە و شەر د ناڤبەرا وان و گرۆپەکێ چەکدار بەردەوامە.
رێکخستنا مافێن مرۆڤی یا رۆژهەلاتێ کوردستانێ ژی راگەهاند د ئەنجاما شەرێ چەند رۆژێن بۆری د ناڤبەرا گەریلایێن پەژاکێ و پاسدارێن ئیرانێ دا چەند پاسدارێن ئیرانێ هاتینە کوشتن و هێزێن ئیرانێ ژی دەڤەرا چیایی یا کوسالان ل مەریوانێ ب توندی تۆپباران دکەن و د ئەنجاما تۆپبارانێ دا ئاگر بەربوویە دارستانێن دەڤەرێ و خەلک ژی داخوازا راگرتنا شەرێ نها دکەن، چونکی ژ بەر شەری زیان گەهشتیە خەلکێ دەڤەرا مەریوانێ.
