سووریێ: ئەم چاڤەرێی پێنگاڤێن نوو یێن تورکیا نە
عه‌بدولقادر عزوز شیرەتکارێ به‌شار ئه‌سەدی، د داخۆیانیه‌کێ دا ژ بۆ ئاژانسا سانا راگه‌هاند کو تورکیا ل هه‌رێمێ خوه‌دان رۆله‌کی ستراتیژیه و بۆ ڤێ چه‌ندێ ئەو دخوازن جاره‌کا دی ل گه‌ل تورکیا په‌یوه‌ندیێن خوە ئاسایی بکەن، لێ پێدڤیه به‌ری هەر تشتەکێ تورکیا هندەک تشتان بکەت و گۆت: (ئه‌م دخوازین ب ره‌نگه‌کێ ئاشتیانه هه‌موو پرسێن ناڤخوه و یێن ل گەل وه‌لاتێن جیرانێن خوە چارەسەر بکەین، ئەم چاڤەرێ نە تورکیا هێزێن خوە ژ ئاخا مە ڤەکێشیت و دەست ژ پشتەڤانیا گرۆپێن تیرۆرستی بەردەت، هەکە تورکیا کارەکێ وەسا بکەت دێ ل گەل وی وەلاتی دەست ب قۆناغەکا نوو کەین).
