داخوازێ ژ 60 وه‌لاتان دکەین وه‌لاتیێن خوه ل کەمپێن رۆژئاڤا وه‌ربگرن
ب، سه‌رجان مەحمود:
وەزارەتا دەرڤە یا ئەمریکا راگەهاند، پتر ژ 10 هزار وەلاتیێن بیانی نها ل کەمپێن رۆژئاڤایێ کوردستانێ هەنە و بووینە بارگرانی بۆ رێڤەبەریا خوەسەر و دەمێ ڤێ یەکێ هاتیە، وەلاتێن بیانی وەلاتیێن خوە ژ کەمپێن رۆژئاڤایێ کوردستانێ ڤەگەرینن.
وه‌زاره‌تا ده‌رڤه یا ئه‌مریکا د داخۆیانیه‌کێ دا راگه‌هاند ده‌مێ ڤێ یه‌کێ هاتیه هه‌ر وه‌لاتێن کو وه‌لاتیێن وان ل که‌مپێن رۆژئاڤایێ کوردستانێ و باکورێ سووریێ نه، وه‌ربگرن. چونکی چەند سالن رێڤەبەریا خوەسەر د رەوشەکا گەلەک خراب دایە و ئێدی گرتیێن ل کەمپان بووینە بارگرانی و دڤێت هەر وەلاتەک ب ئەرکێ خوە رابیت و وان وەلاتیێن خوە کو نها ل کەمپان دانە ڤەگەرینن، چونکی ژ بلی چەکدارێن گرتی یێن داعشێ گەلەک ژن و زارۆ ژی ل وان کەمپان دانە و د رەوشەکا خراب دانە، ل گۆر زانیاریێن ل بەر دەستێ مە وەلاتیێن 60 وەلاتان نها ل کەمپێن رۆژئاڤایێ کوردستانێ و باکورێ سووریێ دانە و دڤێت هەر وەلاتەک ب ئەرکێ خوە رابیت و وەلاتیێن خوە ڤەگەرینیت.
د داخۆیانیێ دا هاتیه ئاشکرا کرن، کو نها ل هه‌ر دو که‌مپێن رۆژ و هۆل یێن ل رۆژئاڤایێ کوردستانێ دا زێده‌تر ژ 10 هزار ئه‌ندامێن داعشێ و ژن و زارۆیێن وان هه‌نه. دڤێت هه‌ر وه‌لات ب فه‌رمی وه‌لاتیێن خوه یێن کو چووینه ناڤ رێزێن داعشێ و پاشی ژی هاتینە دەستەسەرکرن ل گه‌ل ژن و زارۆیێن وان ڤه‌گه‌ریننە ڤە وه‌لاتێ خوه. چونکی رێڤەبەریا خوەسەر بەری نها گەلەک جاران داخوازا هاریکاریێ بۆ دادگەهکرنا چەکدارێن دەستەسەرکری یێ داعشێ ژی کربوو، لێ مخابن هەتا نها ژی چو وەلاتەکێ بەرهەڤیا خوە بۆ وی کاری دیار نەکریە و نها ژی دڤێت هەر وەلاتەک ب ئەرکێ خوە رابیت و وەلاتیێن خوە ڤەگەرینیت.
وه‌زاره‌تا ده‌رڤه یا ئه‌مریکا هه‌روه‌سا د مالپه‌را خوه دا پشته‌ڤانیا وه‌لاتێ دانیمارکێ ژی کر کو چه‌ند رۆژان به‌ری نها سێ وه‌لاتیێن خوه یێن ل که‌مپێن رۆژئاڤایێ ڤه‌گه‌راندیه، حوکمەتا دانیمارکێ ب فه‌رمی هه‌ڤدیتن ل گەل بەرپرسێن رێڤەبەریا خوه‌سه‌ر یا رۆژئاڤایێ کوردستانێ کربوو و سێ وه‌لاتیێن خوه ڤه‌گه‌راندبوو وه‌لاتێ خوه. نها ژی زێدەتر ژ 10 هزار ژن و زارۆیێن داعشیێن بیانی یێن ژ 60 وه‌لاتان ل هه‌ر دو که‌مپێن هۆل و رۆژ یێن ل رۆژئاڤایێ کوردستانێ دا هه‌نه. ئه‌مریکا پشته‌ڤانیا رۆژئاڤایێ کوردستانێ دکه‌ت و ژ هه‌موو وان وه‌لاتان داخواز دکه‌ت کو بله‌ز وه‌لاتیێن خوه ڤه‌گه‌رینن، چونکی نها رەوشەکا نوو هاتیە پێش و دڤێت هەر وەلاتەک هاریکار بیت دا پاشی چو ئالۆزی دروست نەبن.
وه‌زاره‌تا ده‌رڤه یا ئه‌مریکا هه‌روه‌سا سوپاسیا هه‌لوەست و خه‌باتا رێڤەبەریا خوه‌سه‌ر یا رۆژئاڤایێ کوردستانێ ژی دکه‌ت و ئاشکرا دکه‌ت کو هه‌که هه‌ر وه‌لاته‌ک وه‌لاتیێن خوه وه‌رنه‌گریت، مافێ هێزێن سووریا دیموکرات و رێڤەبەریا خوه‌سه‌ر هەیه ئه‌ندامێن داعشێ دادگه‌هی بکه‌ت و ل دووڤ یاسایێن خوه سزا بده‌ت. دڤێت هه‌ر وه‌لات پشته‌ڤانیا رێڤەبەریا خوەسەر یا رۆژئاڤایێ کوردستانێ ئانکۆ باکورێ سووریێ بکه‌ت و د ناڤا هه‌ماهه‌نگیێ ل گه‌ل رۆژئاڤا دا کار بکەت و وه‌لاتیێن خوه وه‌ربگریت و ڤه‌گه‌رینتە ڤە وه‌لاتێ خوه.
چاڤدێرێن سیاسی ژی دیار دکەن، هەلوەستێ وەزارەتا دەرڤە یا ئەمریکا گەلەک گرنگە و د جهێ خوە دایە، چونکی هەبوونا وان چەکداران ل کەمپێن رۆژئاڤایێ کوردستانێ مەترسیەکا خوە یا مەزن بۆ پاشەرۆژا رۆژئاڤایێ کوردستانێ هەیە، بەری نها ژی چەندین جاران داعشێ بزاڤا هندێ یا کری دا وان چەکداران ژ کەمپان بڕەڤینن و دو جاران ژی ئێرشی کەمپێن ل رۆژئاڤایێ کوردستانێ هاتینە کرن، هەبوونا وان چەکداران دشێت مەترسیەکا خوە یا مەزن بۆ سووریێ و ئیراقێ ژی هەبیت، ژ بەر هندێ دڤێت وەلاتێن جیهانێ ب تایبەتی ژی ئەو وەلاتێن کو وەلاتیێن وان بەری نها چووینە ناڤ رێزێن رێکخستنا تیرۆرستی یا داعشێ و نها ژی ل زیندانێن رۆژئاڤایێ کوردستانێ دانە، دڤێت وان کەسان ڤەگەریننە ڤە وەلاتێ خوە، چونکی هژمارەک زێدە ژ وان چەکداران وەلاتیێن ئێک ژ وەلاتێن ئۆرۆپا نە، ژ بەر هندێ ژی هەلوەستێ نها یێ وەزارەتا دەرڤە یا ئەمریکا گەلەک گرنگە و پشتەڤانیەکا مەزنە بۆ رێڤەبەریا خوەسەر یا رۆژئاڤایێ کوردستانێ، ژ بەر هندێ ژی دڤێت رێڤەبەریا خوەسەر ژی بەردەوام داخواز ژ وان 60 وەلاتان بکەت دا د زووترین دەم دا وەلاتیێن خوە ڤەگەرینن، چونکی هەبوونا وان کەسان ل کەمپێن رۆژئاڤایێ کوردستانێ دشێت د پاشەرۆژا دا ببیتە مەترسیەکا گەلەک مەزن ل سەر کوردان و دڤێت نها یا پێدڤی بهێتە کرن.
