بلا کەس چو حسابێن شاش نەکەت
محەمەد ئیسماعیل کوسەری ئێک ژ فەرماندارێن سوپایێ پاسداران و ئەندامێ پەرلەمانێ ئیرانێ راگەهاند، ژ بەر خوەنیشادانێن بەری چەند مەهان رەوشا ئیرانێ ئالۆز ببوو، هندەک ژ بەرپرسان ژی وەسا هزر دکرن کو دێ سیستەمێ نها یێ ئیرانێ ژناڤ چیت، لێ تشتەک وەسا روو نەدا و نها ئیران گەلەک یا بهێزە ژی.
ناڤهاتی ئاماژە ب هندێ ژی کر، پیلانێن دەرەکی بۆ ژناڤچوونا دەستهەلاتا نها یا ئیرانێ هەبوون، گەلەک حسابێن جودا ژی هاتنە کرن، لێ هەموو پیلانێن نەیارێن ئیرانێ ژناڤچوون، نها ژی ئیرانێ دەست ب قۆناغەکا نوو کریە و دڤێت پەیوەندیێن خوە ل گەل هەموو وەلاتێن دەڤەرێ ئاسایی بکەت، ئەو یەک ژی دێ بیتە ئەگەرێ بهێزبوونا پێگەهێ ئیرانێ، لێ دیارە ئەمریکا و دوژمنێن گەلێ ئیرانێ پێ باش نینە ئیران یا بهێز کەڤیت و نها ژی دەست ب پیلانێن جودا جودا دکەن.
