ئەمریکا: ئیران دشێت کۆژمەکی ژ پارێن خوە وەربگریت
ماتیۆ میلەر پەیڤدارێ وەزارەتا دەرڤە یا ئەمریکا راگەهاند، ئەو رازی بووینە ئیران کۆژمەکی ژ پارێ خوە یێ ل ئیراقێ ب رێیا بانکەکێ ل وەلاتێ عومان وەربگریت و هەروەسا هەکە ئیران پێگیریێ ب سۆزێن خوە بکەت دێ کۆژمەکێ دی ژ پارێن ئیرانێ یێن کو ل کۆریا باشورن دێ گەهنە دەستێ ئیرانێ.
چاڤدێرێن سیاسی ژی دیار دکەن، رێککەفتنەکا نهێنی د ناڤبەرا ئیرانێ و ئەمریکا دا هەیە، ل گۆر رێککەفتنێ پێدڤیە ئیران چو ئالۆزیان بۆ هێزێن ئەمریکا ل ئیراقێ دروست نەکەت و ل هەمبەر دا ئەمریکا ژی دێ رێ دەت ئیران کۆژمەک ژ پارێن خوە یێن ل بەنکێن جودا جودا یێن وەلاتێن جیهانێ وەربگریت، چونکی نها ئیران د قەیرانەکا گەلەک مەزن یا ئابووری دایە.
