كارگێرییا به‌روه‌خت بۆ یانه‌یا هه‌ولێر هاته دانان
قه‌یس وه‌یس:
ب فه‌رمی رێڤه‌به‌رییا گشتی یا وه‌رزشی ل هه‌رێما كوردستانێ ده‌سته‌كا نوو یا به‌روه‌خت بۆ كارگێرییا یانه‌یا هه‌ولێر یا وه‌رزشی ده‌ستنیشانكر و هاته په‌سه‌ندكر پشتی ده‌ست ژ كاركێشانا سه‌رۆك، جێگر و چار ئه‌ندامێن كارگێریێ ژ پۆستێن خوه.
ل دووڤ نڤێسارا رێڤه‌به‌رییا گشتی یا وه‌رزشی كو دانه به‌ر ده‌ستێ رۆژنامه‌یا ئه‌ڤرۆ كه‌فتیه ب فه‌رمی ده‌سته‌كا به‌روه‌خت ژ نه‌هـ كه‌سان هاتیه پێكئینان و ئیمزایا رێڤه‌به‌رێ گشتی یێ وه‌رزشی ل سه‌ر تێدا دیاركرییه كو هه‌ر ئێك ژموئه‌یه‌د مه‌عدید حه‌مه‌ده‌مین وه‌كو سه‌رۆكێ یانه‌یا هه‌ولێر هاتیه ده‌ستنیشان كرن و هه‌ر ئێك ژ رێبوار محیه‌دین سادق، جێماو سه‌دره‌دین شه‌ریف، سیروان ته‌ها عوسمان، د.شاخوان عارف محه‌مه‌د، سرود غازی ئه‌حمه‌د، نزار سلێوه شابۆ، جه‌لال محه‌مه‌د عه‌بدوللا و نه‌وزاد سابر ره‌سول وه‌كو ئه‌ندامێن كارگێریێ هاتینه دانان.
ل دوشه‌مبیا بۆری هه‌ر ئێك ژ وه‌لید عاره‌ب سه‌رۆكێ یانه‌یا هه‌ولێر و محه‌مه‌د خۆشناو جێگرێ سه‌رۆكی و ئالا دیده‌وان و به‌ری چه‌نده‌كێ سێ ئه‌ندامێن دی ده‌ست ژ كارێ خوه به‌رده‌وامبوون لێ موفه‌ق یونس، ئه‌حمه‌د شوكر و دیدار حامد ڕده‌كربوون ده‌ست ژ كاربكێشن، لێ ل دووڤ رێنمایێن رێڤه‌به‌رییا گشتی یا وه‌رزشی ده‌سته‌كا نوو بهێته دانان پشتی ده‌ست ژ كاركێشانا سه‌رۆك و جێگر و چارئه‌ندامێن دی یێ یانه‌یێ و دێ بۆ ماوه‌یێ دناڤبه‌را شه‌ش هه‌تا ساله‌كێ به‌روه‌خت بیت و دووڤدا دێ هه‌لبژارتن هێنه كرن.
بۆ زانین ژبه‌ر ئه‌نجامێن لاواز یێن تیما فوتبۆلا یانه‌یا هه‌ولێر د خولا ستێرێن ئیراقێ دا ئه‌وا نوكه ل رێزا 15ێ دهێت ب كۆمكرنا27 خالان ب شه‌ش سه‌ركه‌فتن، نه‌هـ وه‌كهه‌ڤی و 11 خوساره‌تیان و راوه‌ستیانا پشته‌ڤانییا دارایی سه‌رۆك و جێگر و چه‌ند ئه‌ندامێن كارگێریێ ل بن گڤاشتنێن جه‌ماوه‌ری و جاده‌یا وه‌رزشی ده‌ست ژ كاركێشا.