نەوزاد شێخ كامل: حوكمەتا ئیراقێ 540 هزار تەنێن گەنمێ جۆتیارێن هەرێمێ وەرگرتینە
زنار تۆڤی:
رێڤەبەرێ گشتیێ بازرگانی ل وەزارەتا بازرگانی و پیشەسازییا هەرێما كوردستانێ دیار كر، چەكەكێ 10 ملیار دیناری یێ پارێ گەنمێ ئەڤ سالە یێ جۆتیارێن هەرێما كوردستانێ هاتیە وەرگرتن و بزاڤێ دكەین، ڤێ حەفتیێ ئەو پارە ل سە رجۆتیاران بهێتە بەلاڤكرن و هەتا نوكە حوكمەتا ئیراقێ 540 هزار تەنێن گەنمێ جۆتیارێن هەرێما كوردستانێ وەرگرتینە.
نەوزاد شێخ كامل، زێدەتر بۆ رۆژناما ئەڤرۆ گۆت: «ئەو پارێ هەتا نوكە حوكمەتا ئیراقێ بۆ گەنمێ جۆتیارێن هەرێما كوردستانێ یێ ئەڤ سالە هنارتی، گەهشتیە 70 ملیار دیناران و نوكە دەست ب رێكارێن كارگێری یێن وی پارەیی هاتییە كرن، ژ وی پارەیی ژی سێ ملیار دینار بۆ جۆتیارێن پارێزگەها هەولێرێ نە، پێنج ملیار دینار بۆ جۆتیارێن پارێزگەهێن سلێمانیێ و هەلەبجە و دو ملیار دینار ژی بۆ جۆتیارێن پارێزگەها دهۆكێ نە».
ناڤهاتی گۆت ژی: «وەرگرتنا گەنمێ ئەڤ سالە ل هەرێما كوردستانێ ل 6ی مەها خزیرانێ دەستپێكرییە و بڕیارە 45 رۆژان ئەڤ پرۆسە یا بەردەوام بیت، ئەڤ سالە ل دووڤ رێككەڤتنا حكومەا هەرێما كوردستانێ و ئیراقێ، حكومەتا ئیراقێ 700 هزار تەنێن گەنمێ جۆتیارێن هەرێما كوردستانێ دێ وەرگرێت و بۆ هەر تەنەكێ ژی 850 هزار دینار هاتینە دیار كرن»
