وەزارەتا ئەوقافێ: د چار سالێن بۆری دا 430 مزگەفت هاتینە ئاڤاكرن
هەولێر، قائید میرۆ:
پەیڤدارێ وەزارەتا ئەوقاف و كاروبارێن ئایینی دیاركر، ل چار سالێن بۆری 430 مزگەفت هاتینە ئاڤاكرن و گۆتار خوین و كارمەند ژی بۆ هاتینە دابینكرن.
نەبەز ئیسماعیل، پەیڤدارێ وەزارەتا ئەوقاف و كاروبارێن ئایینی بۆ رۆژناما ئەڤرۆ خویا كر، ل سەر دەمێ كابینەیا نەهێ یا حوكمەتا هەرێما كوردستانێ د دەمی چار سالێن بۆری دا 430 مزگەفت ل سەرانسەری هەرێما كوردستانێ هاتینە ئاڤاكرن و پێدڤیێن مزگەفتان ژی بۆ هاتینە دابینكرن.
نەبەز ئیسماعیل گۆت: «پرۆسێسا ئاڤاكرنا مزگەفتان یا بەردەوامە و ل هەر دەڤەرەكێ پێدڤی ب ئاڤاكرنا مزگەفتێ هەبیت، ل گورەی پیڤەرێن وەزارەتێ مزگەفت دێ هێتە ئاڤاكرن و مزگەفتێن دهێنە ئاڤاكرن ژی دڤێت پیڤەرێن زانستی تێدا هەبن و مەرج و رێنمایێن تایبەت ب ئاڤاكرنا مزگەفتان هەنە».
