نڤيسه‌ره‌كێ به‌رنياس حاشاتيێ ژ عه‌ره‌ببوونا خوه دكه‌ت
ئه‌ڤرۆ نيوز، ره‌زوان رۆژبه‌يانى:
نڤيسه‌ره‌كێ ديار و مه‌زنێ عه‌ره‌ب ل مالپه‌رێ “الحياة” يێ له‌نده‌نى حاشاتيێ ژ عه‌ره‌ببوونا خوه دكه‌ت و پشته‌ڤانيا ده‌وله‌تا كوردى ژى دكه‌ت.
جيهاد ئه‌لخازن نڤيسه‌رێ ب ناڤێ و ده‌نگێ عه‌ره‌ب بۆ مالپه‌رێ له‌نده‌نى د گۆتاره‌كێ دا نڤيسيه: “ئه‌ز حاشاتيێ ژ نه‌ته‌وا خوه يا عه‌ره‌بى دكه‌م و من بڕيار دايه هه‌تا هه‌تايێ ئومه‌تا عه‌ره‌بى ته‌لاق بده‌م”، ئه‌ڤ نڤيسه‌ره ب به‌هانا عه‌ره‌ب نه‌بوونا خوه دده‌ته دياركرن و دبێژيت: “من نه‌ڤێت ژ ملله‌ته‌كى بم، نڤێژكه‌ران ل مزگه‌فتان و گه‌شتياران ژى ل مۆزه‌خانان بكوژيت”.
زێده‌تر نڤيسيه: “ئه‌ز نه كوڕێ ملله‌ته‌كى مه كو شوونوارێن ديرۆكى ب هه‌رفينيت و كچێن بچووك بكه‌ته كه‌نيزه و هێرشێ بكه‌ته سه‌ر بێ تاوانان”.
ده‌رباره‌يى ملله‌تێ كورد ژى دبێژيت: “ئه‌ز پشته‌ڤانيا ده‌وله‌تا كوردى ل هه‌ر چار پارچێن كوردستانێ دكه‌م، چونكو ب تنێ ملله‌تێ كورد شيايه تيرۆرستان بشكێنيت و به‌ره‌ڤانيێ ژ خوه بكه‌ت و خوه ب پارێزيت”.
بۆ ده‌قێ گۆتارا وى ب زمانێ عه‌ره‌بى ڤێره كليك بكه:
بۆ خواندنا گۆتارێن زێده‌تر يێن نڤيسه‌رى ڤێره كليك بكه:
بۆ په‌يوه‌نديكرنێ ب نڤيسه‌رى ڤێره كليك بكه:
