پشكا رەوشەنبیری و راگەهاندنا پارتی گرنگیا پاراستنا ژینگەهێ گوتوبێژ دكەت
ل هۆلا پشكا رەوشەنبیری و راگەهاندنا پارتی دیموكراتی كوردستان بازنەیێ دانوستاندنێ، 28ەمین دانوستاندنا خۆ ب ناڤێ (گرنگیدان ب پاراستنا ژینگەهێ ل هەرێما كوردستان)ێ برێڤەبر.
لەم گفتوگۆیەدا كە بەرێزان « عەبدولڕەحمان سەدیق، وەفا حەمید سلێمان، شێخ ئیبراهیم بەرزنجی، د. گەلاوێژ عوبێد، عەمید فەرمان فازل، د. دانا خدر مولود، د. شارا كەمال، د. سیراج محەمەد، هەژار ماهیر، حاكم سەمەد محەمەد، ئاسۆ شكاك، ژیار جەلال، رێبین ئەحمەد حەوێز هەروەسا ئەندامێن بازنەیێ دانوستاندنێ شڤان حەمدی، پ. د. نەزاكەت حسێن، د. جەلال ئەحمەد، فەرهاد محەمەد د دانوستاندنێ دا ئامادەبوون، ل دەستپێكێ ئەو ڕاپۆرتێن مەیدانی بۆ ئامادەبوویان هاتنە نیشادان بازنەیا دانوستاندنێ ل پارێزگەه و ئیدارەیێن سەربخۆ یێن هەرێمێ هاتبوونە ئامادەكرن.
د دانوستاندنی دا دووپاتی ل سەر وان مەترسیا هاتە كرن كو دبنە ئەگەرێ پیسبوونا ژینگەهێ، نزمبوونا ئاڤا بن ئەرد، گرنگینەدان ب زێدەكرنا رێژەیا كەسكاتی، دیسا داخواز هاتە كرن دادگەهەكا تایبەت ب سەرپێچیكارێن ژینگەهێ بهێتە دانان و ب یاسا سەرەدەریێ ل گەل وان كەسان بكەن یێن دبنە ئەگەرێ پیسبوونا ژینگەها كوردستانێ.
دیسا هەر د دانوستاندنان دا دووپاتی ل سەر گوهۆڕینێن سەقای هاتە كرن، ئاماژە ب بزاڤێن حكومەتا هەرێما كوردستانێ هاتە كرن بۆ رێگریكرن ل گوهۆڕینێن سەقای، ب تایبەتی د كابینەیا نەهێ دا چەندین بەنداڤێن مەزن و ناڤنجی و بچووك هاتینە دروستكرن.
