دكتۆر سالار عوسمان سەرەدانا دو كەسایەتیێن زاخۆ كر
زاخۆ، دلۆڤان هالۆ:
دكتۆر سالار عوسمان، بەرپرسێ بەشێ ڕەوشەنبیری و ڕاگەهاندنا پارتی دیموكراتی كوردستان، ل رۆژا 22/4/2025 ب هەڤالینیا تەحسین دۆلەمەری، هەڤالێ بەشی، ل باژێڕێ زاخۆ جودا سەرەدانا هونە‌رمەندێ ناسیارێ كورد سەباح زاخۆیی و هۆزانڤان و مامۆستا مستەفا حسێن كر.
بەرپرسێ بەشێ ڕەوشەنبیری و ڕاگەهاندنا پارتی د دیدارەكێ دا هیڤییا سلامەتیێ و ساخلەمیەكا باش بۆ هونە‌رمەند سەباح زاخۆیی خواست و هەمی هاریكاری و پشتەڤانیەكا بەشێ ڕەوشەنبیری و ڕاگەهاندنێ بۆ باشتربوونا ڕەوشا ساخلەمیا وی دووپاتكر.
دیسا هەر ل هەمان رۆژ دكتۆر سالار عوسمان، بەرپرسێ بەشێ ڕەوشەنبیری و ڕاگەهاندنا پارتی سەرەدانا هۆزانڤان و مامۆستا مستەفا حسێن كر، كو د دەمەكێ دایە ڕەوشا ساخلەمیا وی نەیا جێگیرە، ژ لایێ خوەڤە، بەرپرسێ بەشی زێدەباری پشتەڤانی و دەستخوەشیێ بۆ ناڤهاتی، هیڤییا سلامەتی و ساخلەمیەكا باش بۆ خواست، دیسا سۆز دا ئەو بەرهەمێن، كو هەتا نوكە نەهاتینە چاپكرن، د دەمەكێ نێزیك دا بۆ بهێنە چاپكرن.
