فەستیڤالا شاریا ل ژێر درووشمێ (كەلتوور ناسنامەیا گەلانە) هاتە گێڕان
سێمێل، موسا خالد:
دوهی 28/4/2025 ل ژێر درووشمێ «كەلتوور ناسناما گەلانە» فەستیڤالا شاریا یا كەلتوور و پێكڤەژیانێ ب ئامادەبوونا د. كاروان محەمەد سابیر ژ نڤیسینگەها سەرۆك وەزیران «مەسرور بارزانی» ل شاریا ژ لایێ بنگەهێ لالشێ؛ تایێ شاریا و رێكخراوا JRS و ب پشتەڤانیا دەستەیا بلندا بنگەهێ لالشێ ل كۆمەلگەها شاریا هاتە سازكرن.
د فەستیڤالێ دا چەندین پێشانگەهـ و برگەیێن جودا یێن گرێدای ب كەلتۆر و چاند و پێكڤەژیانا ئێزدیان ڤە هاتنە بەرچاڤكرن، ئەڤ فەستیڤالە بزاڤەكە بۆ پتر خورتكرنا گیانێ لێبۆرینێ و پێكڤەژیان و براتیێ د ناڤبەرا جڤاكا ئێزدی، ب تایبەت و جڤاكا كوردی ب گشتی دا.
