ب ئامادەبوونا د. سالار عوسمان پشكا ڕەوشەنبیری و ڕاگەهاندنێ ڕێز ل دو نڤیسەران گرت
ب ئامادەبوونا د. سالار عوسمان، بەرپرسێ پشا ڕەوشەنبیری و ڕاگەهاندنا پ. د. ك و بەرپرسێ فەرمانگەها پەیوەندیێن دەرڤە یێ حكومەتا هەرێما كوردستانێ و هەژمارەكا بەرپرسێن حزبی و حكومی، ڕەوشەنبیر، ئەدیب، نڤیسەر و ڕۆژنامەڤانان، لە بارەگەهێ پشكا ڕەوشەنبیری و ڕاگەهاندنێ ڕێوڕەسمەكێ رێزلێنانێ بۆ هەردو نڤیسەران (ئاواز دزەیی و عەقیلا ڕواندزی) سازكر.
د. سالار عوسمان، بەرپرسێ پشكا ڕەوشەنبیری و ڕاگەهاندنا پ. د. ك گوتارەك پێشكێش كر و گۆت: «ئەم ئەڤرۆ ل ڤێرە كۆمبووینە، بۆ هندێ رێزێ ل دو نڤیسەرێن ب شیان و خەمخۆرێنكورد بگرین، كو چەندین سالن د بیاڤێ ڕەوشەنبیری و ئەدەبیدا كار دكەن و بزاڤ كرینە بەرەبابێ نوو ب مێژوو و كەلتوورێ نەتەوەیێ مە ئاشنا بكەن، ئاواز دزەیی و عەقیلا ڕواندزی، ئەو دو تێكۆشەرنە، كو ب پەیڤان خەبات كریە و ب قەلەمی داكۆكی ژ ناسنامەیا كوردی كریە».
د ڕێوڕەسمان دا، هەردو نڤیسەران (ئەقیلا ڕواندزی و ئاواز دزەیی) گوتارێن خۆ پێشكێشكرن و تێدا سوپاسیا پشكا ڕەوشەنبیری و ڕاگەهاندنێ كر بۆ ڕێكخستنا ڤێ مەراسیمێ.
ل دووماهیا ڕێوڕەسمێ، خەلاتێ ڕێزلێنانێ و گولێن وەفاداریێ پێشكێشی هەردو نڤیسەران هاتنە كرن.
