ئێكەمین كۆنفرانسێ زانستی یێ ئێزدیان ئەڤرۆ دێ هێتە گێڕان
سەرۆكێ دەستەیا بلندا بنگەهێ لالشێ ل دهۆكێ دیاركر، ب چاڤدێریا سەرۆك وەزیران مەسرور بارزانی، بڕیارە ئەڤرۆ 29/4/2025 ئێكەمین كۆنفرانسێ زانستی و نێڤدەولەتی یێ تایبەت ب ئێزدیان ڤە ل زانكۆیا دهۆك بهێتە گێڕان.
سەعید جردۆ، سەرۆكێ دەستەیا بلندا بنگەهێ لالشێ بۆ ئەڤرۆ خویا كر، ل دەستپێكا كۆنفرانسی پەیڤا مەسرور بارزانی سەرۆكێ حكوومەتا هەرێما كوردستانێ دێ هێتە خواندن و گۆت: «ئەڤی كۆنفراسێ چەندین ئارمانجێن گرنگ هەنە، ژ وان ژی: ڤەكۆلین ل سەر چاوانیا دروستبوونا ناسنامەیا ئێزدیان د چارچوڤەیێ فرە كەلتووری دا ل كوردستانێ و ئیراقێ و میژوویا ئێزدیان و ئاریشە و ئاستەنگێن دكەڤنە د رێكا ئێزدیان دا و گەلەك بابەت و تەوەرێن دی ژی د كۆنفرانسی دا دێ هێنە گەنگەشە كرن».
گۆتژی: «كۆنفرانس ژ لایێ بنگەهێ لالشێ یێ رەوشەنبیری و جڤاكی ڤە و زانكۆیا دهۆكێ دێ هێتە كرن، بۆ ماوێ دو ڕۆژان ژ 29 هەتا 30ی نیسانا 2025دێ بەردەوام بیت ل هۆلا سەنتەرێ كۆنفراسان ل زانكۆیا دهۆكێ، دیسا ژ 11 وەلاتان ڤەكۆلەر دێ پشكداریێ تێدا كەن و ئامادەبن».
