شاندەكێ مەكتەبا رێكخستنێ و پارێزگارێ دهۆكێ 33 سالیا دهـۆك تیڤی پیرۆز كر
شاندەكێ مەكتەبا ریكخستنا پارتی ل پارێزگەها دهۆكێ ب سەرپەرشتیا خانم د. ڤیان سلێمان و سەباح بەیتۆللا، ئەندامێن كۆمیتا ناڤینا پارتی و هاریكارێن بەرپرسێ رێكخستنا دهـۆكێ، دوهی 4/5/2025 ب مەرەما گەهاندنا پەیاما پیرۆزباهیێ سەرەدانا بارەگایێ دهـۆك تیڤی كر و 33 سالیا دامەزراندنا كەنالێ دهـۆك ل رێڤەبەر و كادر و كارمەندێن وێ پیرۆز كر.
د ڤێ سەرەدانێ دا هاریكارێن رێكخستنا دهـۆكێ راگەهاندن كو دهـۆك تیڤی خودانا پەیامەكا وێرەك و راستگۆ و رەسەنا نەتەوەیی بوویە و شیایە بنەما و پەیامێن رێبازا پیرۆزا پارتی و بارزانی ئاراستە بكەت و دەنگێ وەلاتیان بگەهینیتە جهێن پەیوەندیدار.
هەروەسا پشتەڤانیا مەكتەبا رێكخستنا پارتی ل پارێزگەها دهوكێ بۆ دووپاتكر و هیڤیا بەردەوامیێ و سەركەفتن و پێشكەفتنێن زێدەتر بۆ خواست و كەد و خەباتا دهـۆك تیڤی بلند هەلسەنگاند.
دیسا هەر دوهی د. عەلی تەتەر، پارێزگارێ دهۆكێ ب مەرەما سالڤەگەڕا دامەزراندنا كەنالێ دهۆك تیڤی سەرا كەنالێ ناڤبری كر و پیرۆزباهی ل ڕێڤەبەر و كادر و كارمەند و ستافێ كەنالی كر و ڕۆلێ كەنالی د 33 سالێن بۆری دا و د قووناغێن جودا دا و د بیاڤێن جودا دا، ب تایبەتی د گەهاندنا پەیامێن نەتەوەیی و نیشتیمانی و پێشكێشكرنا بەرنامێن جوراوجور دا بلند هەلسەنگاند و هیڤیا سەركەفتنێ و بەردەوامیێ بۆ خواست.
