هەموو بەرهەمێ گەنمێ جۆتیاران دێ هێتە وەرگرتن
هەولێر، قائید میرۆ:
رێڤەبەرێ گشتیێ بازرگانی ل وەزارەتا بازرگانی و پیشەسازی دیاركر، بەرهەڤی بۆ وەگرتنا بەرهەمێ جۆتیاران هاتینە كرن و دبێژیت: هەموو بەرهەمێ ئەڤ سالە یێ گەنمی دێ هێتە وەرگرتن.
نەوزاد شێخ كامل، رێڤەبەرێ گشتیێ بازرگانی بۆ رۆژناما ئەڤرۆ خویاكر، ل مەها بهێت دەمێ گەهشتنا بەرهەمێ گەنمێ هەرێما كوردستانێ یە، بەلێ هەر نوكە بەرهەڤی بۆ وەگرتنا 400 هزار تەنێن گەنمێ جۆتیارێن هەرێما كوردستانێ هاتینە كرن و گۆت: «بهایێ ئێك تەنا گەنمی ژی دێ ب 800 هزار دیناران بیت، تەنێ گەنمێ ب ئاڤا دەستكرد ژی هاتیە ئاڤدان دێ ب 850 هزار دیناران بیت».
نەوزاد شێخ كامل گۆتژی: «ئەگەر بهێت و بەرهەمێ جۆتیارێن هەرێما كوردستانێ زێدەتری 400 هزار تەنان بیت، ئەڤە دێ ئەو 400 هزار تەن هێنە وەگرتن، د دووڤ دا دێ وەكی حوكمەتا هەرێما كوردستانێ دانوستانان ل گەل حوكمەتا بەغدا كەت بۆ وەرگرتنا بەرهەمێ گەنمی و ل سەر بنەمایێ بڕیارا سەرۆكایەتیا جڤاتا وەزیرێن ئیراقێ، ئەڤ سالە هەموو گەنم دێ هێتە وەرگرتن».
