تونس توركیا ب هاریكاریكرنا تیرۆرێ تومه‌تبار دكه‌ت
ئه‌ڤرۆ نیوز: ڤه‌ده‌ر ره‌شاڤایی:
وه‌زیرێ ده‌رڤه‌یێ تونسێ ته‌یب به‌كووش پارتا داد و گه‌شه‌پێدانێ یا ئه‌ردوگانی كو نها حكومه‌تا توركیا برێڤه دبه‌ت ب هاریكاریكرنا نه‌راسته‌وخۆ یا تیرۆرێ ل لیبیا تومه‌تباركر.
دداخویانیه‌كێ دا بۆ میدیایێ به‌كووش گۆت: مه داخاز ژ بالیۆزێ خوه ل توركیا كریه، بالا توركیا بكێشیته سه‌ر وێ یه‌كێ كو تونسێ نه‌ڤێت وه‌لاته‌كێ موسلمانێ وه‌ك توركی چ ب راسته‌وخۆ یان نه‌راسته‌وخۆ پشته‌ڤانیا تیرۆرێ بكه‌ت ل لیبیا برێیا ئاسانكاریكرنێ بۆ بزاڤا تیرۆرستان.
ئه‌ڤ ئاخڤتنا وه‌زیرێ ده‌رڤه‌یێ تونسێ دده‌مه‌كی دایه كو به‌ری چه‌نده‌كێ هێرشه‌كا تیرۆری دا ل موزه‌خانا تونسێ چه‌ندین كه‌س هاتبوونه كوشتن و هێرشكه‌رێن هه‌ڤسۆزێن داعش به‌رپرساتیا خوه ژێ راگه‌هاندبوو.
توركیا توشی ره‌خنێن وه‌لاتێن رۆژئاڤا ژی بوویه ژبه‌ر ب ساناهی ده‌ربازبوونا تیرۆرستان ژ توركیا را بۆ سوریا و ئیراقێ.
