گوهدار شێخۆ بۆ لایەنێن پەیوەندیدار: خزمەتكرنا وەلاتیان ئەركـە نە منەتە
زاخۆ، دلۆڤان هالۆ:
شڤان عەبدی، بەرپرسێ ڕاگەهاندنا ئیدارەیا سەربخوە یا زاخۆ بۆ ڕۆژناما ئەڤرۆ دیار كر كو گوهدار شێخۆ، سەرپەرشتێ ئیدارەیا سەربخوە یا زاخۆ دوهی 12/5/2025 ل گەل ئالیێن پەیوەندیدار ل سنۆرێ ئیدارەیا سەربخوە یا زاخۆ كۆمبوو.
بەرپرسێ ڕاگەهاندنا ئیدارەیا سەربخوە یا زاخۆ ئاماژە ب وێ چەندێ ژی كر كو د كۆمبوونێ دا گوهدار شێخۆی تەكەزی ل سەر چەندین خالێن گرنگ، وەكو: چاوانیا خزمەتكرنا خەلكی د پڕۆژەیێن خزمەتگوزاری دا ل قووناغا بهێت، دیسا چاوانییا برێڤەچوونا ئەو پڕۆژەیێن نوكە د قووناغا بجهئینانێ دا و چاوانییا برێڤەچوونا مامەلەیێن ڕۆژانە یێن خەلكێ و خزمەتكرنا وان كر.
شڤانی گۆت: «شێخۆی د كۆمبوونێ دا ئاماژە ب وێ چەندێ كر كو خزمەتكرنا وەلاتیان ئەركە و چ منەت تێدا نینە، ئەوا پێدڤی بكەت ژ بۆ بەرژەوەندییا گشتی و خەلكێ زاخۆ دێ ئەنجامدەین».
