23 پڕۆژە ل ناوچەدارییا دێرەلۆكێ دهێنە بجهئینان
ئامێدیێ، مەحمود نهێلی:
ژ بۆ پتر خزمەتكرنا وەلاتیان و گەهاندنا پڕۆژەیێن خزمەتگوزاری بۆ وەلاتیان، دەست بجهئینانا هەژمارەكا پڕۆژەیان ل سنۆرێ ناوچەدارییا دێرەلۆكێ هاتیە كرن و دۆرێن دو ملیار دیناران ل سەر بودجەیا پارێزگەها دهۆكێ بۆ هاتینە تەرخانكرن.
رێبەر سادق، رێڤەبەرێ ناوچەدارییا دێرەلۆكێ بۆ رۆژناما ئەڤرۆ دیار كر، د بەرنامەیێ كابینەیا نەهێ یا حكومەتا هەرێما كوردستانێ دا، گەهاندنا خزمەتگوزاریانە بۆ وەلاتیان، ب تایبەت ل دەڤەرێن دووری دەست و گۆت: «هەر بۆ ڤێ مەرەمێ نوكە 23 پڕۆژە ل سنۆرێ ناوچەدارییا دێرەلۆكێ دهێنە بجهئینان».
ناڤهاتی گۆتژی: «ئەڤ پڕۆژە د كەرتێ باژێرڤانیێ و رێك و پران، رێكێن گوندان، ئاڤ و ئاڤدێری، چێركرنا سكرێن ئاخێ و گەلەك بیاڤێن دی دانە».
