باشـی و خـرابیێن بکـارئینانا ڤـایبەری
سندس سالح:
ڤایبەر ئێک ژ وان بەرنامێن پەیوەندیکرنێ یە یێن کو ل سەرانسەری جیهانێ بکاردهێن. ئەڤ بەرنامە رێ ددەت کو مروڤ پەیوەندیێ بکەت ب کەسێن دی را ب رێيا ئه‌نترنێتێ. ڤایبەر هاتیە دروستکرن ژ لایێ کومپانیا راکوتەن ڤایبەر مێدیا بۆ بکارئینانا تەلەفونێن زیرەک.
باشیێن ڤایبەری
١. بێ بەرامبەرە: ڤایبەر رێ ددەت کو تو پەیوەندیێن دەنگی و ڤیدیۆیی بکەيی بێ کو تو پارەيی بدەيی، ئەگەر تە ئه‌نترنێت هەبیت.
٢. پاراستنا پەیامان: ڤایبەر ب شێوازەکێ باش پەیامێن تە دپارێزیت و ب (شفرە) دکەت، کو کەسێن دەرڤە نەشێن وان ببینن.
٣. گروپێن پەیوەندیێ: تو دشێی گروپان چێکەيی و د گەل گەلەک کەسان پەیوەندیێ بکەيی د ئێک دەم دا.
٤. ستیکەر و ئیموجی: ڤایبەر گەلەک ستیکەر و ئیموجیان پێشکێش دکەت کو پەیوەندیێن تە خوشتر دکەن.
٥. شارەکێ ڤایبەری: ڤایبەر جهەکێ تایبەت یێ هەيی بۆ کومپانیان کو تێدا دشێن رێکلامێن خوه بەلاڤ بکەن و کەرەستێن خوه بفروشن.
خرابیێن ڤایبەری
١. پێتڤی ئه‌نترنێتێ یە: ئەگەر ئه‌نترنێت نەبیت یان يا خاڤ بيت، ڤایبەر ناهێتە بکارئینان ب باشی.
٢. کێمتر يێ پاراستى يه ژ هندەک بەرنامێن دی: ل گور هندەک شارەزایان، پاراستنا ڤایبەری کێمترە ژ هندەک بەرنامێن دی وەک ساینال.
٣. داتایێن مەزن بکاردئینیت: ڤایبەر گەلەک داتایێن ئه‌نترنێتێ بکاردئینیت، نەخاسمە ل دەمێ پەیوەندیێن ڤیدیۆیی.
٤. رێکلامێن زێدە: هندەک جاران رێکلامێن زێدە یێن ناڤ ڤایبەری دبنە ئەگەرێ تێکچوونا بکارئینەری.
٥. پاشکەفتنا پاتریا: بەردەوام بکارئینانا ڤایبەری دبیتە ئەگەرێ پاشکەفتنا پاتریێ تەلەفونێ.
ئەنجام
ڤایبەر بەرنامەیەکێ باشە بۆ پەیوەندیکرنێ ب تایبەت ئەگەر تە بڤێت پەیوەندیێ بکەيی ب کەسێن ل دوورڤە، و بێ بەرامبەرە. لێ دڤێت مرۆڤ هشیار بیت سەبارەت ب پاراستنا داتایێن خوه و بکارئینانا پاتریێ. هەر وەسا، ئه‌نترنێتەکا باش پێتڤیە بۆ بکارئینانا ڤایبەری ب شێوازەکێ باش.
