نەتەوەیێن ئێکگرتی هۆشداریێ ددەتە شامێ
نوونەرێ تایبەت یێ نەتەوەیێن ئێکگرتی بۆ کاروبارێن سووریێ راگەهاند، کوشتنا ب سەدان وەلاتیێن سڤیل ل باژێرێ سوەیدا سەلماند، کو ئەحمەد شەرع نەشیا کۆنترۆلێ ل سەر گرۆپێن چەکدار بکەت، ئەو یەک ژی دشێت د پاشەرۆژێ دا ببیتە ئەگەرێ روودانا مەترسیێن گەلە مەزن، چونکی رەفتارا چەکدارێن سەر ب ئەحمەد شەرعی ل سوەیدا وەکو رەفتارا داعشێ بوو و ئەو یەک ژی بوویە جهێ دلگرانیا نەتەوەیێن ئێکگرتی و د رەوشەکا وەسا دا نابیت پشتەڤانیا دەستهەلاتا نوو یا شامێ بهێتە کرن.
گێر پێدرسۆن ئەو یەک ژی دیار کر، دڤێت سیستەمێ نوو یێ سووریێ ب دلێ هەموو خەلکێن سووریێ بیت و نابیت گەف ل هندەک پێکهاتەیێن ل سووریێ بهێتە کرن دا د سیستەمەک ناڤەندی دا پشکدار بن، ئەو یەک دێ بیتە ئەگەرێ روودانا ئالۆزیێن گەلەک مەزن و بێگومان ئەو یەک دێ بیتە ئەگەرێ پارچەبوونا سووریێ ژی.
